ஊரின் பெரிய மனிதர் ரணசிங்கத்துக்கு(சத்யராஜ்) வரிசையாக நான்கு பெண் குழந்தைகள் பிறக்க, ஆண் வாரிசுக்கு ஆசைப்படும் சத்யராஜ் 2-வது திருமணம் செய்துகொள்கிறார். அவர் மூலமாக மேலும் ஒரு பெண் குழந்தை பிறக்கிறது. ஆண் வாரிசுக்காக ஏங்கும் சத்யராஜ்க்கு அவர்  ஆசைப்பட்டது போலவே 6-வதாக ஆண் குழந்தை பிறக்கிறது.

வீட்டின் கடைக்குட்டி வாரிசான அந்த ஆண் குழந்தையை(கார்த்தி) மொத்தக்குடும்பமும் சீராட்டி, பாராட்டி வளர்க்கிறது. அழகான இந்த குடும்பத்தில் கார்த்தியின் கல்யாணம் தொடர்பாக ஏற்படும் பிரச்சினைகளால் மொத்த குடும்பமும் நிம்மதி இழக்கிறது.

உறவுகளை விட்டுக் கொடுக்காமல், கார்த்தி எப்படி தன் காதலியை மணக்கிறார்? வில்லனிடம் இருந்து ஒட்டுமொத்த குடும்பத்தையும் கார்த்தி பாதுகாத்தாரா? போன்ற பல கேள்விகளுக்கான விடையே கார்த்தியின் கடைக்குட்டி சிங்கம்.