இந்த ஆண்டு விவசாயிகளுக்கு 10 ஆயிரம் கோடி கடன் வழங்க திட்டமிடப்பட்டுள்ளதாக அறிவிக்கப்பட்டுள்ளது. மேலும் விலையில்லா வெள்ளாடுகள் அல்லது செம்மறியாடுகள் திட்டத்திற்காக 198.75 கோடி ஒதுக்கீடு செய்யப்படும் என்றும், 2019-2020-ல் நெல் கொள்முதல் ஊக்கத்தொகைக்காக ரூ.180 கோடி ஒதுக்கீடு செய்யப்படுவதாகவும், சாதாரண நெல் கொள்முதல் குவிண்டாலுக்கு ரூ.1,800 சன்ன ரக நெல்லுக்கு ரூ.1,830 வழங்கப்படும் என்றும் அறிவிக்கப்பட்டுள்ளது. 2018-19 ஆண்டில் 9.3 லட்சம் விவசாயிகளுக்கு ரூ. 6,118 கோடி பயிர்க்கடன் வழங்கப்பட்டது குறிப்பிடத்தக்கது.