இளையராஜாவுக்கு பாரத ரத்னா விருது: இதுவும் தேர்தல் அறிக்கைதான்.. பிரபல கட்சி!

பாட்டாளி மக்கள் கட்சி எனப்படும் பாமக மிக அண்மையில் மாநில ஆளும் கட்சியான அதிமுகவுடன் கூட்டணி ஒப்புதலுக்கான கையெழுத்தினை போட்டது.

வரவிருக்கும் நாடாளுமன்றத் தேர்தலில் அதிமுக-பாஜக-பாமக-தேமுதிக கூட்டணி அமைக்கப்பட்டிருக்கிறது. இதில் பாமகவுக்கு 7 தொகுதிகளும் பாஜகவுக்கும் 5 தொகுதிகளும் ஒதுக்கீடு செய்யப்பட்டுள்ளன.

இந்நிலையில், பாமக சார்பில்தேர்தல் அறிக்கை வெளியிடப்பட்டது. அதில் குறிப்பிட்டுள்ளபடி, வறுமைக் கோட்டிற்கு கீழ் உள்ளவர்களின் வாழ்வாதாரத்தை உறுதி செய்யும் வகையில் குடும்பத்திற்கு தலா 2 ஆயிரம் ரூபாய் வழங்க மத்திய அரசுக்கு வலியுறுத்தப்படும் என்றும் சிறு, குறு விவசாயிகளுக்கு இருக்கும் 6 ஆயிரம் ரூபாய் மானியச் சலுகையினை ஏக்கருக்கு 10 ஆயிரம் ரூபாயாக அதிகரிக்க வலியுறுத்தப்படும் என்றும் குறிப்பிடப்பட்டுள்ளது.

அதுமட்டுமல்லாமல், நம்மாழ்வாருக்கு மணி மண்டபம், 1 லட்சம் ரூபாய் வரை பயிர்க்கடன்கள் தள்ளுபடி, எம்ஜிஆர் பெயரில் தேசிய விருது உள்ளிட்டவையும் வழங்கப்படுவதாக அறிவிக்கப்பட்டுள்ளது. இந்த அறிவிப்புகளோடு, இசையமைப்பாளரான இசைஞானி இளையராஜாவுக்கு இந்தியாவின் உயரிய விருதான பாரத ரத்னா வழங்க முயற்சி எடுக்கப்படும் எனவும் அறிவிக்கப்பட்டுள்ளது.

பாட்டாளி மக்கள் கட்சி மக்களவைத் தேர்தல் 2019 தேர்தல் அறிக்கை

(PMK Election Manifesto 2019)https://t.co/Ffvw1HXl7G#PMKElectionManifesto2019 #PMK#Election2019 pic.twitter.com/NWOYSWjlaY

— Dr S RAMADOSS (@drramadoss) March 15, 2019