தமிழ் சினிமாவின் முன்னணி இசையமைப்பாளர்களில் ஒருவரான யுவன் சங்கர் ராஜா தற்போது, 'பியார் பிரேமா காதல்' என்ற படத்தை சொந்தமாகத் தயாரித்து வருகிறார். இதில் 'பிக்பாஸ்' புகழ் ரைசா-ஹரீஷ் கல்யாண் இருவரும் ஜோடியாக நடித்து வருகின்றனர்.
இந்த நிலையில், யுவனின் மனைவி ஜப்ரூன் நிசார் காஸ்ட்யூம் டிசைனராக இப்படத்தின் மூலம் தமிழ் சினிமாவில் அடியெடுத்து வைத்துள்ளார்.
இதுகுறித்து அவர் நமக்கு அளித்த பேட்டியில், "ஒரு மாறுபட்ட அனுபவத்துக்காகவும், எனது கணவரின் முதல் தயாரிப்பு என்பதாலும் இப்படத்தில் பணியாற்றுகிறேன்.
ரைசாவுடன் பணியாற்றுவது இனிய அனுபவமாக உள்ளது. படம் தவிர விழாக்களுக்கு அவர் அணிந்து செல்லும் உடைகளையும், நான் வடிவமைத்துக் கொடுக்கிறேன்,'' என்றார்.