பாலிவுட் நடிகர் இர்ஃபான் கான் 'நியூரோ எண்டாக்ரின் ட்யூமர்' எனப்படும் அரிய வகை நோயினால் தான் பாதிக்கப்பட்டிருப்பதாக, கடந்த வாரம் தன்னுடைய ட்விட்டர் பக்கத்தில் தெரிவித்தார்.
இதற்காக அவர் தற்போது லண்டனில் சிகிச்சை எடுத்து வருகிறார். இந்நிலையில், தனது இன்ஸ்டாகிராம் பக்கத்தில் உருக்கமான பதிவொன்றை இர்ஃபான் கான் பகிர்ந்துள்ளார்.
அதில், "அழகானவை, பயங்கரமானவை என எல்லாமும் உங்களுக்கு நடக்கும். நீங்கள் அவற்றைக் கடந்து செல்லுங்கள். எந்தவொரு உணர்வும் இறுதியானது அல்ல.
உங்களை நீங்கள் இழக்கக்கூடாது. வாழ்க்கையின் தீவிரத்தைப் பொறுத்து அதனை நீங்கள் அறிந்து கொள்வீர்கள். உங்களது கையை என்னிடம் கொடுங்கள்", என தெரிவித்துள்ளார்.