மீண்டும் இணையும் 'தனி ஒருவன்' கூட்டணி

ஜெயம் ரவியின் 24 வது படமாக உருவாகும் இந்த படத்துக்கு பிரபல இசையமைப்பாளர் ஹிப்ஹாப் தமிழா இசையமைக்கவிருக்கிறார். மோகன் ராஜா இயக்கத்தில் ஜெயம் ரவி நடித்த 'தனி ஒருவன்' படத்துக்கு ஹிப்ஹாப் தமிழா இசையமைத்திருந்தது குறிப்பிடத்தக்கது. அந்த படத்துக்கு ஹிப்ஹாப் தமிழாவின் பாடல்களும் பின்னணி இசையும் பெரும் பலமாக அமைந்திருந்தது.

ஹிப்ஹாப் தமிழா இசையில் சிம்பு - மேகா ஆகாஷ் நடித்து கடந்த பிப்ரவரி 1 ஆம் தேதி வெளியான 'வந்தா ராஜாவாதான்' படத்தின் பாடல்களுக்கு பெரும் வரவேற்பு கிடைத்தது. மேலும் சிவகார்த்திகேயன் நடிப்பில் உருவாகி வரும் மிஸ்டர் லோக்கல் படத்துக்கும் அவர் தான் இசையமைக்கிறார்.