தனுஷின் ரொமாண்டிக் படத்தின் சென்சார் ரிசல்ட் இதோ

கவுதம் மேனன் இயக்கத்தில் தனுஷ்-மேகா ஆகாஷ் நடித்து வந்த ‘எனை நோக்கி பாயும் தோட்டா’ திரைப்படம் நீண்ட வருடங்களாக ஷூட்டிங்கில் இருந்தது. இப்படத்தின் பாடல்கள் வெளியாகி ரசிகர்களிடம் மிகுந்த எதிர்ப்பார்ப்பை ஏற்படுத்திய நிலையில், சில காரணங்களால் படத்தின் பணிகள் தாமதமாகின.

இந்நிலையில், சமீபத்தில் சென்சாருக்கு அனுப்பப்பட்ட ‘எனை நோக்கி பாயும் தோட்டா’ திரைப்படத்திற்கு சென்சாரில் ‘யு/ஏ’ சான்றிதழ் கிடைத்துள்ளது. இதையடுத்து விரைவில் இசை, ரிலீஸ் குறித்த அறிவிப்புகள் வெளியாகும் என்று எதிர்ப்பார்க்கப்படுகிறது.

இந்த தகவல் தனுஷ் ரசிகர்களை உற்சாகத்தில் ஆழ்த்தியுள்ளது. இதனைதொடர்ந்து ‘வடசென்னை 2’, ‘அசுரன்’, இயக்குநர் துரை செந்தில் குமாரின் திரைப்படம், இயக்குநர் மாரி செல்வராஜின் திரைப்படம், தனுஷ் இயக்கத்தில் உருவாகி வரும் திரைப்படம் என ஏராளமான படங்கள் தனுஷ் கைவசம் உள்ளன.

UA for ENPT 😊😊😊

— Madan (@Madan2791) February 15, 2019