இன்னமும் 'மின்னலே' படத்தின் பாடல்களை கேட்கிறேன் - பிரபல ஹிந்தி நடிகர் கருத்து

இந்த படத்தில்  தான் இசையமைப்பாளர் ஹாரிஸ் ஜெயராஜ் அறிமுகமானார் . இந்த படத்தின் பாடல்கள் மிகப்பெரிய வெற்றியை பெற்றது. அலைபாயுதே படத்திற்கு பிறகு மாதவனுக்கு மிகப் பெரிய வெற்றியை தேடித் தந்த படம் மின்னலே.

இந்த படம் வெளியாகி 18 ஆண்டுகள் ஆனதைத் தொடர்ந்து ரசிகர் ஒருவர் தனது ட்விட்டர் பக்கத்தில்,  மின்னலே வெளியாகி 18  வருடங்கள்  ஆகிறது. ஆனாலும் படமும், படத்தின் பாடல்களும் இன்னமும் புதுமையானதாக இதயத்தில் இருக்கிறது. எங்களுக்கு மின்னலே 2 வேண்டும் என இயக்குநர் கௌதம், ஹாரிஸ் ஜெயராஜ், மாதவன் உள்ளிட்டோரை டேக் செய்திருந்தார்.

இந்நிலையில் இதற்கு பின்னூட்டமிட்ட நடிகர் அபிஷேக் பச்சன், ஊட்டியில் படப்பிடிப்பில் இருக்கும் போது இந்த படத்தை திரையரங்குக்கு சென்று பார்த்தேன். இன்னமும் இந்த படத்தின் பாடல்களை கேட்டுக் கொண்டிருக்கிறேன். என்று குறிப்பிட்டுள்ளார்.

Went and saw it in a movie theatre in Ooty where I was shooting at the time. Still listen to the songs.

— Abhishek Bachchan (@juniorbachchan) February 18, 2019