விக்ரம் நடிக்கும் 'கோப்ரா'.. தெறி ஆக்சன் காட்சிகளுடன் வெளியான COUNTDOWN GLIMPSE!

Also Read | சிரஞ்சீவி- கீர்த்தி சுரேஷ் நடிக்கும் 'வேதாளம்' தெலுங்கு ரீமேக்.. வெளியான சூப்பர் ரிலீஸ் தேதி!

விக்ரம் நடிப்பில் 'கோப்ரா' படத்தை இயக்குனர் அஜய் ஞானமுத்து இயக்கி முடித்துள்ளார். இந்த கோப்ரா படத்தில் விக்ரமுக்கு ஜோடியாக KGF புகழ் ஸ்ரீநிதி ஷெட்டி நடிக்கிறார். இவர்களுடன் இயக்குனர் கே.எஸ்.ரவிகுமார், குஜராத்தை சேர்ந்த இந்திய கிரிக்கெட் அணியின் முன்னாள் வீரர் இர்ஃபான் பதான், மியா ஜார்ஜ், கனிகா, மிருணாளினி, ஜான் விஜய் ஆகியோர் நடிக்கின்றனர்.

இந்த படத்தின் படப்பிடிப்பு கொரோனா காரணமாக 3 வருடங்கள் நடைபெற்றது குறிப்பிடத்தக்கது. இந்த படத்திற்கு இசைப்புயல் ஏ.ஆர்.ரஹ்மான் இசையமைக்கிறார். இந்தப் படத்தை லலித் குமார் தயாரிக்கிறார்.

முன்னதாக கோப்ரா படத்தில் இருந்து தும்பி துள்ளல், உயிர் உருகுதே மற்றும் அதீரா உள்ளிட்ட சிங்கிள் பாடல்கள் வெளியாகி, மக்கள் மத்தியில் நல்ல வரவேற்பை பெற்றிருந்தது. மேலும் 2 பாடல்களில் தராங்கினி எனும் ஒரு பாடலும்  "ஏலே இளஞ்சிங்கமே" எனும் மற்றொரு பாடலும் சில நாட்களுக்கு முன் இசை வெளியீட்டு விழாவில் வெளியிடப்பட்டது.

கோப்ரா படம், வரும் ஆகஸ்ட் மாதம் 31 ஆம் தேதி திரையரங்கில் வெளியாகும் என அறிவிக்கப்பட்டுள்ளது. அதனை முன்னிட்டு படத்தின் டிரெய்லர் வரும் ஆகஸ்ட் 25 ஆம் தேதி வெளியாகும் என்று அதிகாரப்பூர்வமாக அறிவிக்கப்பட்டுள்ளது. இச்சூழலில் இன்று படத்தின் புதிய ப்ரோமோ பரபர ஆக்சன் காட்சிகளுடன் கிளிம்ப்ஸ்  வீடியோ வெளியாகி உள்ளது.

கோப்ரா படத்தின் சேட்டிலைட் உரிமம் கலைஞர் டிவிக்கு விற்கப்பட்டுள்ளது. கோப்ரா படத்தின் UK & ஐரோப்பா தியேட்டர் ரிலீஸ் உரிமத்தை பிரபல அகிம்சா எண்டர்டெயின்மெண்ட் நிறுவனம் கைப்பற்றியுள்ளது.  இந்த படத்தின் தமிழக ரிலீஸ் உரிமத்தை உதயநிதி ஸ்டாலினின் ரெட் ஜெயன்ட் நிறுவனம் கைப்பற்றியுள்ளது குறிப்பிடத்தக்கது.

The number game is about to begin in 9 days ❤️‍🔥@chiyaan's #Cobra from August 31st in theatres worldwide #CobraFromAugust31

An @AjayGnanamuthu Film

An @arrahman Musical@7screenstudio @RedGiantMovies_ @Udhaystalin @IrfanPathan @SrinidhiShetty7 @SonyMusicSouth @proyuvraaj pic.twitter.com/94TfINjkl0

— Behindwoods (@behindwoods) August 22, 2022

Also Read | பொன்னியின் செல்வன் படத்தின் மலையாள ரிலீஸ் உரிமம்.. கைப்பற்றிய பிரம்மாண்ட தயாரிப்பாளர்!