டிஸ்னியின் ஃபேண்டஸி படத்தில் ஸ்ருதிஹாசனுடன் இணைந்த விஜய் டிவி ஸ்டார்!

டிஸ்னியின் ‘ஃப்ரோஸன்’ திரைப்படம் கடந்த 2013ம் ஆண்டு வெளியாகி உலகளவில் மாபெரும் வசூல் சாதனை படைத்தது. பனி பிரேதசத்தில் வசிக்கும் இளவரசிகளான அனா மற்றும் எல்சாவை பற்றிய ஃபேண்டஸி கதையான ஃப்ரோஸன் திரைப்படத்தை ஜெனிபர் லீ மற்றும் க்ரிஸ் பக் இணைந்து இயக்கினர்.

முதல் பாகத்தில் மிகப்பெரிய வெற்றியைத் தொடர்ந்து இப்படத்தின் இரண்டாம் பாகம் மிக பிரம்மாண்டமாக உருவாகியுள்ளது. ஃபேண்டஸி திரைப்படமான இப்படம் வரும் நவ.22ம் தேதி இந்தியாவில் ஆங்கிலம், தமிழ், தெலுங்கு, இந்தி உள்ளிட்ட மொழிகளில் ரிலீசாகவுள்ளது. ‘ஃப்ரோஸன் 2’ படத்தின் ஹிந்தி வெர்ஷனுக்கு பாலிவுட் நடிகை ப்ரியங்கா சோப்ரா மற்றும் பரிணித்தி சோப்ரா ஆகியோர் டப்பிங் பேசவுள்ளனர்.

தெலுங்கு மொழியில் நடிகை நித்யா மேனன், எல்சா கதாபாத்திரத்திற்கு டப்பிங் பேசுகிறார். அவரைத் தொடர்ந்து தமிழில் எல்சா கதாபாத்திரத்திற்கு நடிகை ஸ்ருதிஹாசனும், தங்கையான அன்னா கேரக்டருக்கு பிரபல தொகுப்பாளினி, நடிகை திவ்யதர்ஷினி (டிடி) டப்பிங் செய்கிறார்.

இது தொடர்பான அறிவிப்பு இன்று வெளியாகியுள்ளது. இதனை நடிகை டிடி தனது ட்விட்டர் பக்கத்தில் பகிர்ந்துள்ளார். தமிழில் இந்த படத்திற்கு பிரபல பாடலாசிரியர் விவேக் வசனம் எழுதியுள்ளார்.

Yes let’s do this together ❤️❤️ this is a fairy tale high point in my career now, to be able to voice the mind of princess ANNA who is loved by all... Thnks @DisneyStudiosIN https://t.co/ft9G996hs0

— DD Neelakandan (@DhivyaDharshini) November 13, 2019