அஜித் நடிக்கும் 'துணிவு'.. ஒட்டுமொத்த ஐரோப்பிய உரிமையை கைப்பற்றிய பிரபல வினியோகஸ்தர்!

Also Read | வாரிசு ரிலீஸ்க்கு அப்பறம் தான்.. தளபதி 67 அப்டேட்.. லோகேஷ் கனகராஜ் கொடுத்த தகவல்!

நேர்கொண்ட பார்வை, வலிமை படங்களின் வெற்றிக்கு பிறகு  நடிகர் அஜித்குமார்- H.வினோத்- போனிகபூர் மூன்றாவது முறையாக இணையும் படத்திற்கு  'துணிவு' என பெயரிடப்பட்டது. இந்த படத்தின் போஸ்டர்கள் ஏற்கனவே வெளியாகி ரசிகர்கள் மத்தியில் நல்ல வரவேற்பை பெற்றன.

இந்த படத்தை H. வினோத் இயக்க, நிரவ் ஷா ஒளிப்பதிவு செய்ய, போனி கபூர் தயாரிக்கிறார். ஐத்ராபாத், சென்னை, விசாகப்பட்டினம், பேங்காக் நகர்களில் இந்த படத்தின் படப்பிடிப்பு நடந்தது. இந்த படத்தின்  இறுதிக்கட்ட படப்பிடிப்பு சென்னையில் நடந்தது.

இந்த படத்தில் நடிகை மஞ்சு வாரியர் முக்கிய கதாபாத்திரத்தில் நடிக்கிறார். சார்பட்டா பரம்பரை படத்தில் வேம்புலி கதாபாத்திரத்தில் நடித்த ஜான் கொக்கன் இந்த  படத்திலும் நடித்து வருகிறார். பிரபல இளம் தமிழ் சினிமா நடிகர் வீராவும் இந்த படத்தில் நடிப்பதை உறுதி செய்துள்ளார். மேலும் பிக்பாஸ் பிரபலங்களான பவனி & அமீர் இருவரும் நடிக்கின்றனர்.

இந்த படத்தின் கலை இயக்குனராக மிலன் பணிபுரிய, சண்டை காட்சிகளை சுப்ரீம் சுந்தர் வடிவமைப்பு செய்கிறார்‌‌.  இந்த படத்தின் இசையமைப்பாளராக ஜிப்ரான் பணிபுரிகிறார். எடிட்டராக விஜய் வேலுக்குட்டி பணிபுரிகிறார்.

துணிவு படத்தின் தமிழக ரிலீஸ் உரிமத்தை உதயநிதி ஸ்டாலினின் ரெட் ஜெயன்ட் மூவிஸ் நிறுவனம் கைப்பற்றி உள்ளது. மேலும் ஒட்டுமொத்த வெளிநாட்டு உரிமத்தை லைக்கா நிறுவனம் கைப்பற்றியுள்ளது. இந்நிலையில் துணிவு படத்தின் ஐரோப்பிய நாடுகள் & ஐக்கிய ராஜ்யத்தின் திரையரங்க ரிலீஸ் உரிமத்தை அங்குள்ள பிரபல முன்னணி நிறுவனமான Boleyn Cinema கைப்பற்றியுள்ளது என்று லைக்கா நிறுவனம் அதிகாரப்பூர்வமாக அறிவித்துள்ளது.

Happy to announce we’ll be distributing #THUNIVU 💥 at UK 🇬🇧 & Europe through @BoleynCinema 📽️#AjithKumar 😎 #HVinoth 🎬 @BoneyKapoor @ZeeStudios_ @BayViewProjOffl 🪙 @mynameisraahul #RomeoPictures @gkmtamilkumaran @LycaProductions #Subaskaran 🪙#ThunivuPongal 💥 pic.twitter.com/o4QJBqfSO7

— Lyca Productions (@LycaProductions) December 12, 2022

Also Read | 'வாரிசு' படத்தின் 4 ஏரியாக்களை கைப்பற்றிய ரெட் ஜெயன்ட்.. திருப்பூர் சுப்ரமணியன் EXCLUSIVE!