"சுஷாந்த் 3 நாட்களுக்கு முன்பு, தந்தைக்கு போன் செய்து உருக்கமாக பேசினார்" - உறவினர் தகவல்..!

நடிகர் சுஷாந்த் சிங்கின் தந்தை KK சிங் பாட்னாவில் வசித்து வருகிறார். அவர் ஓய்வு பெற்ற அரசு ஊழியர். அவரது மனைவி 2002-ஆம் ஆண்டு இறந்துவிட்டார். பிரபல ஹிந்துஸ்தான் டைம்ஸ் பத்திரிக்கை வெளியிட்டுள்ள செய்தியின் அடிப்படையில் அவர் தனது தந்தைக்கு அடிக்கடி போன் செய்து அவரது உடல்நலம் பற்றி விசாரிப்பது வழக்கம். மூன்று நாட்களுக்கு முன்பு கூட அவர் தனது தந்தையின் வீட்டில் பணிசெய்யும் லக்ஷ்மி தேவியிடம் "தந்தையை கொரோனா வைரஸிடம் இருந்து மிகவும் பத்திரமாக பார்த்துக்கொள்ளுங்கள்" என்று கூறியுள்ளார். இந்நிலையில் இன்று மகனிடமிருந்து போன் வந்ததும் ஆவலுடன் எடுத்த தந்தைக்கு அவரது இறப்பு செய்தி இடியாய் விழுந்துள்ளது. அவர் மிகவும் அதிர்ச்சியில் இருப்பதாக நெருங்கிய உறவினர்கள் கூறியுள்ளனர். ஆயிரம் காரணம் சொன்னாலும் தற்கொலை எதற்குமே சரியான தீர்வு ஆகாது என்பது தான் நடிகர் சுஷாந்தின் மரணம் நமக்கு கற்றுக் கொடுக்கும் பாடம்.