BOX OFFICE: இந்தியாவில் வசூல் சாதனை படைத்த SPIDER-MAN NO WAY HOME! முதல் நாள் வசூல் எவ்வளவு தெரியுமா?

உலகம்  முழுதும் 2021 டிசம்பர் 17 வெளியான இப்படத்திற்கு டிக்கெட் முன்பதிவுகள், ரசிகர்களின் அதீத எதிர்பார்ப்பால், டிக்கெட் புக் செய்யும் இணையதளங்களே முடங்கும் நிலை உண்டாகியது. மார்வல் திரையுலகத்தில் Spider-Man சூப்பர் ஹீரோவின், மூன்றாம் பாக கதையாக உருவாகியுள்ள திரைப்படம் தான் Spider-Man No Way Home. இப்படத்தில் Tom Holland சூப்பர் ஹிரோ ஸ்பைடர்மேனாகவும் அவருக்கு ஜோடியாக Michelle 'MJ' பாத்திரத்தில் Zendaya  வும் நடித்துள்ளனர். இவர்களுடன் ரசிகர்களின் விருப்பத்திற்குரிய Doctor Stephen Strange பாத்திரத்தில்  Benedict Cumberbatch நடித்துள்ளார்.

இப்படம் மல்டிவெர்ஸ் எனும் வித்தியாசமான கான்செப்டில் பல உலகங்களை இணைக்கும் கதைக்கருவில் உருவாகியுள்ளது. 10 வருடங்களுக்கு முன் வந்த Spider-Man பட பாகங்களின் முக்கிய  கதாப்பாத்திரங்கள் இப்படத்தில் மீண்டும் வருகிறது. 10 வருடங்களுக்கு முன் ரசிகர்களின் கனவுகளை நிரப்பிய Doctor Otto Octavius, Green Goblin மற்றும் Electro பாத்திரங்கள் மீண்டும் இப்படத்தில் வருகின்றன. மேலும் இப்படத்தில் மூன்று ஸ்பைடர் மேன் பாத்திரங்கள் உள்ளன. இதனால் உலகம் முழுதும் படத்திற்கு வரலாறு காணாத அளவிலான எதிர்பார்ப்பு ஏற்பட்டது. 

Spider-Man No Way Home திரைப்படம்  இந்தியா முழுதும் 2021 டிசம்பர் 16 அன்று தமிழ், ஆங்கிலம், இந்தி,தெலுங்கு,மலையாளம் என பலம்ழொழிகளிலும் வெளியானது. இந்தியா முழுவதும் ஒரே நாளில் 41.50 கோடி ரூபாய் GROSS கலெக்சனாக வசூலித்துள்ளது. 32.67 கோடி ரூபாய் நெட் கலெக்சனாக கிடைத்துள்ளது என அதிகாரப்பூர்வமாக அறிவிக்கப்பட்டுள்ளது. விடுமுறை அல்லாத தினத்தில் இந்த படத்தின் வசூல் பிரம்மிக்கதக்கதே.