RED HOT : வைரலாகும் பிரபல நடிகர் கிளிக்கிய சிவகார்த்திகேயனின் கிளாசிக் ‘ஹீரோ’ லுக்

‘இரும்புத்திரை’ இயக்குநர் பி.எஸ்.மித்ரன் இயக்கத்தில் உருவாகி வரும் ‘ஹீரோ’ திரைப்படத்தில் சிவகார்த்திகேயனுக்கு ஜோடியாக நடிகை கல்யாணி பிரியதர்ஷன் நடிக்கிறார். இப்படத்தின் மூலம் அவர் தமிழ் சினிமாவில் அறிமுகமாகிறார். கல்யாணியுடன் ‘நாச்சியார்’ பட நடிகை இவானா, ஆக்‌ஷன் கிங் அர்ஜுன், ரோபோ ஷங்கர், அபய் தியோல் உள்ளிட்டோர் முக்கிய கதாபாத்திரங்களில் நடித்து வருகின்றனர்.

யுவன் ஷங்கர் ராஜா இசையமைக்கும் இப்படத்தின் விறுவிறுப்பான டீசரை கடந்த சில நாட்களுக்கு முன் பாலிவுட் நடிகர் சல்மான் கான் வெளியிட்டார். கே.ஜே.ஆர். ஸ்டூடியோஸ் நிறுவனம் தயாரிக்கும் இப்படத்திற்கு ஜார்ஜ் ஒளிப்பதிவு செய்கிறார். இந்நிலையில், ‘ஹீரோ’ படத்தின் ஷூட்டிங் ஸ்பாட்டில் டான்ஸர் சதீஷ் எடுத்த கிளாசிக் புகைப்படம் ஒன்றை நடிகர் சிவகார்த்திகேயன் தனது இன்ஸ்டாகிராம் பக்கத்தில் பகிர்ந்துள்ளார்.

நல்லது செய்ய முகமூடி அணிந்து வரும் ஹீரோவாக சிவகார்த்திகேயன் நடித்துள்ள இப்படத்தின் முதல் சிங்கிள் டிராக்கான ‘மால்டோ கிட்டபுலே’ என்ற பாடலின் லிரிக் வீடியோ வரும் நவ.7ம் தேதி மாலை 5 மணிக்கு ரிலீசாகும் என்று அறிவிக்கப்பட்டுள்ளது.

யுவன் ஷங்கர் ராஜா இசையில் சிவகார்த்திகேயன் நடித்துள்ள ‘ஹீரோ’ படத்தின் சிங்கிள் டிராக் மீதான எதிர்ப்பார்ப்பு அதிகரித்துள்ளது. இப்படம் வரும் கிறிஸ்துமஸ் பண்டிகையை முன்னிட்டு வரும் டிசம்பர்.20ம் தேதி ரிலீசாகவுள்ளது.

 

 

 

 

View this post on Instagram

 

 

 

 

 

 

 

 

 

In the sets of #Hero ...clicked by @dancersatz 👍

A post shared by Sivakarthikeyan Doss (@sivakarthikeyan) on Nov 4, 2019 at 9:27am PST