'எங்கேயும் எப்போதும்' ஷர்வானந்த் -க்கு விரைவில் டும் டும் டும்!.. வாழ்த்தும் பிரபலங்கள்!!

தமிழில் எங்கேயும் எப்போதும், ஜேகே என்னும் நண்பனின் வாழ்க்கை, கணம் உள்ளிட்ட திரைப்படங்களில் நடித்துள்ளவர் ஷர்வானந்த். தெலுங்கில் பிரபலமான இவர், அங்கே ஏராளமான திரைப்படங்களிலும் நடித்துள்ளார்.

சமீபத்தில் இவரது நடிப்பில் கணம் என்ற திரைப்படம், தமிழ் மற்றும் தெலுங்கு ஆகிய இரு மொழிகளிலும் வெளியாகி நல்ல வரவேற்பையும் பெற்றிருந்தது.

இதனிடையே, ஷர்வானந்த் திருமணம் குறித்து சில தகவல்களும் அதிகம் வைரலாகி வந்தது. இந்த நிலையில், அவரது நிச்சயதார்த்தம் தற்போது நடந்து முடிந்துள்ளது. ரக்ஷிதா என்ற பெண்ணுடன் ஷர்வானந்த் நிச்சயதார்த்தம் நடந்துள்ளது. இவர் மறைந்த தெலுங்கு தேசம் கட்சியை சேர்ந்த போஜ்ஜலா கோபால கிருஷ்ண ரெட்டியின் பேத்தி ஆவார். மேலும், ரக்ஷிதாவின் தந்தை உயர்நீதிமன்ற வழக்கறிஞராகவும் உள்ளார் என தெரிகிறது.

இந்த நிலையில், ஷர்வானந்த் - ரக்ஷிதா ஆகியோரின் திருமண நிச்சயதார்த்தம் தற்போது நடந்து முடிந்துள்ளது. அவர்களின் குடும்பத்தினர் மற்றும் உறவினர்கள் முன்னிலையில் நடந்துள்ளது. ஹைதராபாத்தில் வைத்து நடந்த நிச்சயதார்த்த நிகழ்ச்சியில் குடும்பத்தினர், உறவினர்கள் மற்றும் நெருங்கிய நண்பர்கள் முன்னிலையில் இந்த ஜோடி மோதிரம் மாற்றிக் கொண்டது.

மெகாஸ்டார் சிரஞ்சீவி குடும்பம், நாகர்ஜுனா குடும்பம், ராம் சரண், உபசனா, அகில், நாணி, ராணா டகுபதி, சித்தார்த், அதிதி ராவ் ஹைடாரி, நிதின், ஸ்ரீகாந்த், மைத்ரி மூவி மேக்கர்ஸ் நவீன் மற்றும் ரவி, சித்தாரா நாக வம்சி, இயக்குனர் க்ரிஷ், சுதீர் வர்மா, சண்டூ மொண்டேட்டி, வெங்கி அட்லுரி, அபிஷேக் அகர்வால், சுப்ரியா, ஸ்வப்னா தத், ஏசியன் சுனில், சுதாகர், தேவா கட்டா, Vyra Entertainments தயாரிப்பாளர்கள், UV க்ரியேஷன்ஸ் வம்சி மற்றும் விக்ரம் உள்ளிட்ட பிரபலங்கள் இந்த நிகழ்வில் கலந்து கொண்டிருந்தனர்.

தற்போது நிச்சயதார்த்தம் நடந்துள்ள நிலையில், விரைவில்  சர்வானந்த் - ரக்ஷிதா திருமண தேதி குறித்த அறிவிப்பும் வெளியாகும் என எதிர்பார்க்கப்படுகிறது. ஷர்வானந்த் நிச்சயதார்த்த புகைப்படங்கள், அதிகம் இணையத்தில் பகிரப்பட்டு வரும் நிலையில், பிரபலங்கள் மற்றும் ரசிகர்கள் பலரும் தங்களின் வாழ்த்துக்களையும் தெரிவித்து வருகின்றனர்.