'இந்த கூட்டணி இணைவதை பாத்துருக்கீங்களா?'.. சந்தானத்தின் டிக்கிலோனா முக்கிய அப்டேட்!

சந்தானம், யோகி பாபு, ஹர்பஜன் சிங், ஆனந்தராஜ், முனீஷ்காந்த், அனகா, ஷிரின், ஷாரா மற்றும் பலர் நடித்துள்ள இப்படத்தின் டிரெய்லரில் 2027ல் இருந்து 2020 ஆம் ஆண்டுக்கு தமது கல்யாணத்தை தடுத்து நிறுத்துவதற்காக சந்தானம் செல்வதாக கூறப்படுகிறது. இதேபோல் டிரெய்லரின் இறுதியில் சந்தானம் மூன்று கெட்டப்புகளில் ஒரே காட்சியில் தோன்றுவார்.

இந்த படத்துக்கு யுவன் ஷங்கர் ராஜா இசையமைத்துள்ளார்.  டிரெய்லரின் பின்னணியிலேயே கமல்ஹாசன் நடித்த மைக்கேல் மதன காமராஜன் படத்தின் பேர் வச்சாலும் பாடலின் இசை ஒலிக்கும். இளையராஜா இசையில் உருவான இந்த பாடலும் படத்தில் ரீமேக் செய்யப்பட்டிருக்கலாம் என்று தெரிகிறது.

Raja sir + @thisisysr + Malaysia Vasudevan + S Janaki - did you ever see that coming?#PerVachaalum - 2nd single from #Dikkiloona 🤩

Out at 5⃣ PM tomorrow!@karthikyogitw @kjr_studios @sinish_s @AnaghaOfficial @KanchwalaShirin @sonymusicsouth @proyuvraaj @gobeatroute pic.twitter.com/VqMwqxMgdy

— Soldiers Factory (@SoldiersFactory) February 18, 2021

இந்நிலையில் இப்படத்தின் தயாரிப்பு நிறுவனமான சோல்ஜர் ஃபேக்டரி நிறுவனம் தமது ட்விட்டர் பக்கத்தில் பிப்ரவரி 19-ஆம் தேதி மாலை 5 மணிக்கு  டிக்கிலோனா படத்தின் 2வது பாடலான பேர் வெச்சாலும் வெக்காம போனாலும் பாடல் வெளியாகும் என்றும் இதுவரை இளையராஜா+யுவன் ஷங்கர் ராஜா + மலேசியா வாசுதேவன் + எஸ்.ஜானகி ஆகியோர் இணைந்த கூட்டணியை பார்த்துள்ளீர்களா என்றும் குறிப்பிட்டுள்ளது.