பொன்னியின் செல்வனில் ரஹ்மானுடன் பணிபுரியும் KGF இசை அமைப்பாளரா? செம தகவல்

Also Read | "நல்லா உழைங்க.. நல்லா ஊர் சுத்துங்க.."ஸ்பெயின் வீதிகளில் நயன்தாரவுடன் விக்னேஷ் சிவன்! வைரல் PHOTOS!

புகழ்பெற்ற மறைந்த எழுத்தாளர் கல்கி கிருஷ்ணமூர்த்தியின் 'பொன்னியின் செல்வன்' நாவலை அடிப்படையாக கொண்டு, அதே பெயரில் "பொன்னியின் செல்வன்" படத்தை இரண்டு பாகங்களாக இயக்குனர் மணிரத்னம் இயக்கி வருகிறார்.

இந்த படத்தில் நடிகர்கள் சியான் விக்ரம், ஜெயம் ரவி, கார்த்தி, ஐஸ்வர்யா ராய், ஐஸ்வர்யா லெக்ஷ்மி, த்ரிஷா, சரத்குமார், விக்ரம் பிரபு, ஜெயராம், ரஹ்மான், அஸ்வின் உள்ளிட்ட பலரும் நடித்துள்ளனர். ஆதித்ய கரிகாலனாக விக்ரமும், வந்தியத்தேவனாக கார்த்தியும், ராஜ ராஜ சோழனாக ஜெயம் ரவியும் நடிக்கின்றனர். நந்தினியாக ஐஸ்வர்யா ராயும், குந்தவையாக த்ரிஷாவும் நடிக்கின்றனர்.

பொன்னியின் செல்வன் திரைப்படத்தின் முதல் பாகம், செப்டம்பர் 30 ஆம் தேதி வெளியாகும் என அதிகாரபூர்வ அறிவிப்பு ஏற்கனவே வெளியாகி விட்டது. இந்த படத்திற்கு ஏ.ஆர். ரஹ்மான் இசையமைத்துள்ள நிலையில், ரவி வர்மன் ISC ஒளிப்பதிவு செய்துள்ளார். தொடர்ந்து, இந்த படத்தின் போஸ்டர்கள், டீசர் மற்றும் முதல் சிங்கிள் என அனைத்தும் வெளியாகி, மக்கள் மத்தியில் படத்தின் மீதான எதிர்பார்ப்பை அதிகரித்துள்ளது.

மேலும், "பொன்னி நதி" என்ற முதல் சிங்கிள், ஏ.ஆர். ரஹ்மான் குரலில் வெளியாகி இருந்த நிலையில், இன்று வரை பட்டித் தொட்டி எங்கும் ஹிட்டடித்ததுடன் ட்ரெண்டிங்கிலும் இருந்து வருகிறது. இதனைத் தொடர்ந்து, பொன்னியின் செல்வன் முதல் பாகத்தின் இரண்டாவது சிங்கிள் குறித்த அப்டேட் ஒன்று தற்போது அதிகாரபூர்வமாக வெளியானது.

'சோழா சோழா' என்ற இந்த பாடலை இளங்கோ கிருஷ்ணன் எழுதி உள்ளார். மேலும், பாடகர்களான சத்ய பிரகாஷ், VM மஹாலிங்கம் மற்றும் நகுல் அப்யங்கர் உள்ளிட்டோர், இந்த பாடலை தமிழில் பாடி உள்ளனர். மேலும் இந்த பாடல், வரும் ஆகஸ்ட் 19 ஆம் தேதி, மாலை 6 மணிக்கு வெளியாகும் என படக்குழு அறிவித்துள்ளது.

தமிழ் மட்டுமில்லாமல், தெலுங்கு, மலையாளம், கன்னடம் மற்றும் ஹிந்தி ஆகிய மொழிகளிலும் இந்த பாடல் வெளியிடப்படுகிறது. இதில், கன்னட மொழியில், சோழா சோழா பாடலை பிரபல இசை அமைப்பாளர் ரவி பஸ்ரூர், நகுல் அப்யங்கருடன் இணைந்து பாடி உள்ளார். KGF படத்தின் இரண்டு பாகங்களிலும், ரவி பஸ்ரூரின் பாடல்கள் மற்றும் பின்னணி இசை, சர்வதேச அளவில் கவனம் ஈர்த்திருந்தது.

அப்படி இருக்கும் நிலையில், பொன்னியின் செல்வன் முதல் பாகத்தின் இரண்டாவது சிங்கிளை இசைப்புயல் ஏ.ஆர். ரஹ்மான் இசையில், ரவி பஸ்ரூர் பாடியுள்ள விஷயம், பலரது ஆவலையும் அதிகமாக்கி உள்ளது.

Also Read | Ponniyin Selvan : பொன்னி நதி ஹிட்டுக்கு பிறகு.. வெளியான இரண்டாவது சிங்கிள் அப்டேட்.. "எப்போ ரிலீஸ்?"