BIGG BOSS 6 TAMIL : "வாடி தங்கக்குட்டி".. ஜனனியுடன் கொஞ்சி குலாவிய ரச்சிதா.. கடைசியா சொன்னதுதான் ஹைலைட்..

பிரபலங்கள் மற்றும் மக்கள் மத்தியில் அதிகம் வைரலாக இருக்கும் நபர்கள், இந்த பிக்பாஸ் நிகழ்ச்சியில் போட்டியாளராக தேர்ந்தெடுக்கப்படுவார்கள். இந்த பிக்பாஸ் வீட்டிற்குள் நடக்கும் சவால்கள், சண்டை, கலகலப்பு உள்ளிட்ட பல விஷயங்கள் தான் மக்கள் மத்தியிலும் அதிகம் பேசுபொருளாக இருக்கும்.

கடைசியாக நடைபெற்ற பிக்பாஸ் ஐந்தாவது சீசனில், ராஜு வெற்றியாளராக அறிவிக்கப்பட்டிருந்தார். இந்நிலையில், தற்போது பிக்பாஸ் ஆறாவது சீசன் ஆரம்பமாகி உள்ளது. இதில், பிரபலங்கள் மற்றும் மக்கள் மத்தியில் பிரபலமாக இருக்கும் நபர்களும் புதிய சீசனில் போட்டியாளர்களாக களமிறங்கி உள்ளனர்.

அந்த வகையில், இந்த பிக்பாஸ் நிகழ்ச்சியில், யூடியூபர் ஜி.பி.முத்து, இசைக் கலைஞரான அசல் கோலார், சீரியல் நடிகர் அசீம், திருநங்கை ஷிவின் கணேசன், டான்ஸ் மாஸ்டர் ராபர்ட், மாடல் ஷெரினா, கிரிக்கெட் வீரர் ராம் ராமசாமி, ராப் சிங்கரான ஆர்யன் தினேஷ் (ADK), தொகுப்பாளினி ஜனனி,  KPY அமுதவாணன், VJ மகேஸ்வரி, VJ கதிரவன், சத்யா சீரியல் நடிகை ஆயிஷா, ஈரோடு டிக்டாக் பிரபலம் தனலட்சுமி, நடிகை ரச்சிதா மகாலட்சுமி, ஐஸ்வர்யா ராஜேஷின் சகோதரரான மணிகண்டன் ராஜேஷ், மெட்டி ஒலி ஷாந்தி அரவிந்த், VJ விக்ரமன், மாடல் குயின்சி ஸ்டான்லி, சிங்கப்பூர் மாடல் நிவாஷினி உள்ளிட்ட 20 நபர்கள் உள்ளிட்டோர் பங்கேற்றுள்ளனர்.

இதில் போட்டியாளராக கலந்துகொண்டுள்ளார் செய்தி ஊடகத்தை சேர்ந்த இலங்கைத் தமிழரான ஜனனி. ஜனனி குணசீலன் என்கிற இவர் குறித்த அறிமுகத்தை பிக்பாஸ் நிகழ்ச்சியின் தொடக்க நாளன்று விஜய் டிவி ஒளிபரப்பியது. அதில் பேசிய இவர்., “நான் ஜனனி குணசீலன், இலங்கையின் டிவி சேனலில் நிகழ்ச்சி தொகுப்பாளராக இருக்கிறேன், அத்துடன் இலங்கையில் மாடலிங் பண்ணிக் கொண்டிருந்தேன். நான் பாரம்பரிய லுக்கில் ஃபோட்டோஷூட்களை செய்ய விரும்புவேன். எனக்கு கிளாசிக்கல் டான்ஸ் மிகவும் பிடிக்கும். பிக்பாஸ் எனும் பெரிய தளத்தை சரியாக பயன்படுத்திக் கொள்ள இருக்கிறேன். பிக்பாஸில் நான் யாருக்காகவும், நான் என்னை மாற்றிக்கொள்ளவோ, விட்டுக்கொடுக்கவோ மாட்டேன்,. வெற்றி அடைவேன்” என்று குறிப்பிட்டுள்ளார்.

இந்நிலையி ஜிபி முத்து கோபமாக பேசியது குறித்து தான் வருந்துவதாக பிக்பாஸில் தனலட்சுமி சொன்னதை அடுத்து, தனலட்சுமி பேசிய விதம் தனக்கு பிடிக்கவில்லை என்றும், ஜிபி முத்து நமக்கெல்லாம் அப்பா மாதிரி, அவர் கோபப்பட்டாலும் நீ பொறுத்து போயிருக்க வேண்டும் என்றும் ஜனனி குறிப்பிட்டார். அதன் பின்னர் ஜனனியிடம் ஆயிஷாவும், விக்ரமனும் தனலட்சுமி தரப்பு நியாயத்துக்காக வாதிட்டனர்.

இதன் பின்பு ஜனனி சென்று, சோஃபாவில் இருந்த ரச்சிதாவின் மடியில் அமர்ந்தார். அப்போது ஜனனியை, “சூப்பர்டி தங்கக்கூட்டி.. நீ இன்னும் பேசுடி.. அழகா பேசுற” என கொஞ்சிய நடிகை ரச்சிதா, ஜனனியை கூட்டிக்கொண்டு எழுந்து அவரை அழைத்துச் சென்றபடி, “சரி வா.. அடுத்து யார் மாட்டுவானு பார்ப்போம்.. ” என்று சொல்லிக்கொண்டே செல்கிறார். அதற்கு ஜனனியோ, “சிரித்தபடி,.. அச்சச்சோ” என்கிறார்.

நடிகை ரச்சிதா மகாலட்சுமி சரவணன் மீனாட்சி சீரியல் மூலம் பயணத்தை தொடங்கியவர். பின்னர் விஜய் டிவி மற்றும் கலர்ஸ் தமிழின் சில சீரியல்களிலும் நடித்தவர், அதன் பின்னர் கன்னட திரைப்படம் உட்பட, சில திரைப்படங்களிலும் நடிக்க தொடங்கினார். தற்போது தமது அடுத்த கட்டத்தை நோக்கி பிக்பாஸ் நிகழ்ச்சிக்குள் வந்திருக்கிறார்.