பிரபல பாண்டவர் இல்லம் சீரியல் நடிகையின் வளைகாப்பு.. கணவர் குறித்து நெகிழ்ச்சி பதிவு!

Also Read | திடீரென தீ விபத்துக்குள்ளான நடிகை கனகா வீடு.! என்ன நடந்தது? முழு தகவல்.!

பிரபல நடிகை பாப்ரி கோஷ் முன்னணி நடிகையாக நடிக்கும் இந்த தொடர் ரசிகர்கள் மத்தியில் நல்ல வரவேற்பை பெற்று வருகிறது. கடந்த மூன்று வருடங்களுக்கும் மேலாக இந்த தொடர் சன் டிவி சேனலில் ஒளிபரப்பாகி வருகிறது. பாண்டவர் குடும்பம் & ஜமீன் குடும்பம் என்ற இரண்டு குடும்பங்களுக்கு இடையே உள்ள பகைமையை கருவாக வைத்து இந்த சீரியல் ஒளிபரப்பாகி வருகிறது.

'பாண்டவர் இல்லம்’  சீரியலில் ரோஷினி என்ற கதாபாத்திரத்தில் நடித்து வருபவர் நடிகை அனு. நடிகை அனு, விஜய் டிவியில் ஒளிபரப்பான ஆபீஸ் தொடரின் மூலம்  சின்னத்திரையில் பிரபலமானவர். பின்னர் ஜி தமிழ் தொலைக்காட்சியில் ஒளிபரப்பான மெல்ல திறந்தது கதவு சீரியலில் வில்லியாக நடித்து பிரபலமானவர்.

நடிகை அனு கடந்த 2017 ஆம் ஆண்டு விக்னேஷ் என்பவரை திருமணம் செய்து கொண்டார். தற்போது அனு 7 மாத கர்ப்பிணியாக  இருக்கிறார். இந்நிலையில் அனு தனது இன்ஸ்டாகிராம் பக்கத்தில் வளைகாப்பு புகைப்படங்களை வெளியிட்டு தனது கணவர் விக்னேஷ் குறித்தும்  பதிவிட்டுள்ளார்.  அந்த பதிவில், "எங்களைச் சுற்றியுள்ள அன்புடனும் ஆசீர்வாதத்துடனும் எங்கள் 7வது மாத வளைகாப்பு நிறைவு! ❤️✨ நானும் என் கணவரும் இந்த முறை ஒரு எளிமையான அழகான வளைகாப்பு நிகழ்வை விரும்பினோம். எங்களின் இந்த நாள் மிகவும் தனிப்பட்டதாகவும், எங்கள் குழந்தையுடன் எங்கள் தொடர்பு மகிழ்ச்சியாக இருக்க வேண்டும் என்று நாங்கள் விரும்பினோம். 😇 

இந்த நிகழ்வு என் மனதிற்கு மிகவும் நெருக்கமானது, ஏனென்றால் கணவர் விக்கி எனக்கு நலங்கு சடங்குகளை செய்வது இதுவே முதல் முறை. ஊரில் உள்ள புது மணப்பெண்ணைப் போல் என் முகம் சிவந்தது! 😜😍 

விழாவின் போது நாங்கள் கிளிக் செய்த சில படங்களைப் பகிர்ந்து கொள்ள விரும்பினோம். எங்கள் சிறிய குடும்பத்திற்கு உங்களின் அனைத்து நல்வாழ்த்துகளும் தேவை! 🤗".என அனு பதிவிட்டுள்ளார்.

Also Read | மருத்துவமனையில் நடிகர் எஸ்வி சேகர்.. ஆயில் மசாஜால் ஏற்பட்ட உடல்நலக் குறைவு.. முழு தகவல்!