LATEST: இயக்குனர் மிஷ்கினின் பிசாசு-2 படத்தின் திகிலான FIRST LOOK போஸ்டர் வெளியீடு!!!

பிசாசு முதலாம் பாகத்தின் வெற்றியைத்தொடர்ந்து இயக்குனர் மிஷ்கின் இயக்கத்தில் 'பிசாசு 2' திரைப்படம், ராக்போர்ட் எண்டர்டையின்மெண்ட் நிறுவனம் தயாரித்து, நடிகர்கள் ஆண்ட்ரியா, பூர்ணா, ராஜ்குமார் பிச்சுமணி உள்ளிட்ட பலர் நடிக்க உருவாகி வருகிறது. 'மக்கள் செல்வன்' விஜய் சேதுபதி கவுரவ தோற்றத்தில் நடிக்கிறார். தமிழ், தெலுங்கு மற்றும் தென்னிந்திய மொழிகளில் உருவாகும் இப்படத்தின் அறிவிப்பு வெளியான நாள் முதலே பெரும் எதிர்பார்ப்பை ஏற்படுத்தியது.

இசையமைப்பாளர் கார்த்திக் ராஜா இசையில் உருவாகும் இப்படத்திற்கு சிவா சாந்தகுமார் ஒளிப்பதிவை மேற்கொண்டுள்ளார்.

இந்நிலையில் இயக்குனர் வெற்றிமாறன் பிசாசு 2 படத்தின் First Look Poster ஐ இன்று வெளியிட்டார். இந்த பிசாசு-2 படத்தின் போஸ்டர் 1960 ஆம் ஆண்டு வெளியான ஹிட்ஸ்காக்கின் சைக்கோ படத்தின் மிக முக்கிய காட்சியான குளியலறை கொலை காட்சியை நினைவுபடுத்துவது போல் இருப்பது இந்த லுக்கின் சிறப்பம்சம்.

விரைவில் இப்படத்தின் First Single வெளியீட்டு தேதி அறிவிக்கப்படும் என தயாரிப்பு தரப்பு கூறியுள்ளது.

Elated to release first look of my latest flick #pisasu2#Pisasu2FirstLook

@Rockfortent @andrea_jeremiah @kbsriram16 @Lv_Sri @APVMaran #KarthikRaja @shamna_kkasim @Actorsanthosh @actor_ajmal @teamaimpr @PRO_Priya pic.twitter.com/6wSxgzt8gJ

— Mysskin (@DirectorMysskin) August 3, 2021