விஜய் ஆண்டனி - மேகா ஆகாஷ் நடிக்கும் புதிய படம்.. BTS புகைப்படங்களுடன் வெளியான தெறி அப்டேட்!

Also Read | நடிகை நந்திதா ஜெனிபரின் அப்பா.. நடன இயக்குனர் சின்னா மரணம்.. சோகத்தில் திரையுலகம்

கடைசியாக விஜய் ஆண்டனி நடிப்பில் 'கோடியில் ஒருவன்' படம் கடந்த ஆண்டு செப்டம்பர் 17 ஆம் தேதி திரையரங்குகளில் வெளியாகி நல்ல வரவேற்பை பெற்றது. ‘கோடியில் ஒருவன்’ வெற்றிக்கு பிறகு விஜய் ஆண்டனி  " கொலை", பிச்சைக்காரன்-2 " மழை பிடிக்காத மனிதன் " போன்ற படங்களில் நடித்து வருகிறார்.

நடிகர் விஜய் ஆண்டனி நடிப்பில் இயக்குனர் ஒளிப்பதிவாளர் விஜய் மில்டன் இயக்கும் 'மழை பிடிக்காத மனிதன்' எனும் சலிம் -2 படத்தில் முக்கியமான ஒரு கதாபாத்திரத்தில் விஜயகாந்த் மீண்டும் நடிக்க இருப்பதாக சிலநாட்களுக்கு முன் தகவல்கள் தெரிவித்தன.

Infinity film ventures இந்த படத்தை தயாரிக்கிறது. Infiniti Film Ventures தயாரிப்பாளர்கள் கமல் போரா, G.தனஞ்செயன், B. பிரதீப் மற்றும் பங்கஜ் போரா ஆகியோர் தயாரிக்கின்றனர், இந்த படத்தில் நடிகர் சரத்குமார் முக்கியவேடத்தில் நடித்துள்ளதும் குறிப்பிடத்தக்கது. விஜய் ஆண்டனிக்கு ஜோடியாக மேகா ஆகாஷ் நடிக்கிறார்.

கன்னட நடிகர்கள் தனஞ்செயா, பிரிதிவி அம்பார் முக்கிய வேடத்தில் நடிக்கிறார்கள். சரண்யா பொன்வண்ணன், முரளி சர்மா, தலைவாசல் விஜய், சுரேந்தர் தாகூர் பிரணிதி ஆகியோரும் இப்படத்தில் இணைந்து நடிக்கிறார்கள். இயக்குநர் ரமணா ஒரு வித்தியாசமான பாத்திரத்தில் நடிக்கிறார்.

இந்நிலையில் இப்படத்தின் அனைத்து படப்பிடிப்பும் முடிந்துவிட்டதாகவும், பின் தயாரிப்பு பணிகள் துவங்க உள்ளதாகவும் அதிகாரப்பூர்வமாக BTS போட்டோக்களுடன் அறிவிக்கப்பட்டுள்ளது. இந்த படத்தின் படப்பிடிப்பு கோவா, டையூ டாமனில் நடைபெற்றது. இப்படத்தை எழுதி இயக்குவது மட்டுமின்றி, ‘மழை பிடிக்காத மனிதன் படத்துக்கு விஜய் மில்டன் ஒளிப்பதிவும் செய்கிறார்.

விஜய் ஆண்டனி பாடல்களுக்கு இசையமைக்க, அச்சு ராஜாமணி பின்னணி இசையை கவனிக்கிறார். படத்தொகுப்பாளராக லியோ ஜான்பால், கலை இயக்குநராக K.ஆறுசாமி, ஸ்டண்ட் மாஸ்டராக சுப்ரீம் சுந்தர், நடன இயக்குநராக ஸ்ரீதர், ஸ்டில்களை மகேஷ் ஜெயச்சந்திரன், விளம்பர வடிவமைப்பாளராக பவன் (சிந்து கிராபிக்ஸ்), ஆடை வடிவமைப்பாளராக ஷிமோனா ஸ்டாலின். பணிபுரிகின்றனர்.

Also Read | பிரபல போட்டோகிராபருடன் இணைந்து VELVET கிளவுஸில் போட்டோ ஷூட்.. பட்டைய கிளப்பிய மாளவிகா மோகனன்!