அஜித் குமாரின் #AK61 படத்துல மஞ்சு வாரியர் நடிக்கிறாங்களா? அவங்களே சொன்ன EXCLUSIVE தகவல்

வலிமை திரைப்படம் ரசிகர்களிடையே பெரும் வரவேற்பை பெற்றது. குறிப்பாக பைக் ஸ்டண்ட் காட்சிகளுக்கும் சென்டிமெண்ட் காட்சிகளுக்கும் பெரும் ரசிகர்கள் கூடினார்கள். வலிமை திரைப்படம் உலகளவில் 200 கோடிக்கும் மேல் பாக்ஸ் ஆஃபீஸ் வசூல் செய்துள்ளது குறிப்பிடத்தக்கது.

நேர்கோண்ட பார்வை, வலிமை படங்களின் வெற்றிக்கு பின் நடிகர் அஜித்குமார்- எச்.வினோத்- போனிகபூர் மூன்றாவது முறையாக இணையும் AK61 படத்தின் திட்டம் ஒரு ஆண்டுக்கு முன்பே முடிவு செய்யப்பட்டது. வலிமை படத்தை தொடர்ந்து அஜித்குமாரின் 61வது படம் துவங்கி உள்ளது. 

AK 61படத்தின் முதல் லுக் உடன் போனிகபூர் டிவிட்டரில் சில நாட்களுக்கு முன் போட்டோவை பகிர்ந்துள்ளார். அதில் கருப்பு வெள்ளையில் இருள் சூழ தாடியுடன் , காதில் கடுக்கனுடன் நடிகர் அஜித் புகைப்படம் இடம் பெற்றது. AK61 படத்திற்கான முன் தயாரிப்பு என போனி கபூர் அறிவித்து இருந்தார்.

AK61 படத்தின் பூஜை ஏப்ரல் 11 அன்று காலை 9.01 க்கு ஐத்ராபாத்தில் உள்ள ராமோஜி ராவ் பிலிம் சிட்டியில் நடைபெற்றது. இந்த AK 61 படத்தில் ஒளிப்பதிவாளராக நிரவ் ஷா பணியாற்ற உள்ளார். நேர்கொண்ட பார்வை, வலிமை, படங்களை அடுத்து தொடர்ந்து மூன்றாவது முறையாக அஜித் - எச். வினோத் உடன் இணைகிறார்.ராமோஜி ராவ் பிலிம் சிட்டியில் AK 61 படத்தின் படப்பிடிப்பு நடைபெற்று வருகிறது.

இந்நிலையில் AK61 படத்தில் நடிக்கிறீங்களா? என கேட்ட கேள்விக்கு, AK61 படத்தில் நடிப்பதாக நடிகை மஞ்சு வாரியர் அதிகாரப்பூர்வமாக அறிவித்துள்ளார். மேலும் படத்தின் கதை குறித்து கேட்ட கேள்விக்கு, சஸ்பென்ஸ் ஆக இருக்கட்டும், இப்போ அது பற்றி சொல்ல முடியாது என பதில் அளித்தார். AK 61 நல்ல ப்ராஜக்ட் என்றும், படம் நல்லா இருக்கும் என்று தோன்றியதாகவும், இந்த கதாபாத்திரம் எனக்கும், படக்குழுவுக்கும் பிடித்திருந்தது என்றும் கூறியுள்ளார்.

AK61 படத்தை தொடர்ந்து நடிகர் அஜித்தின் 62 வது படத்தை இயக்குனர் விக்னேஷ் சிவன் இயக்க உள்ளதாக அறிவிப்பு வெளியாகி உள்ளது. அனிருத் இசையமைக்க, லைக்கா நிறுவனம் சுபாஸ்கரன் தயாரிப்பில் உருவாகவிருக்கும் இப்படத்தின் படப்பிடிப்பு இந்த ஆண்டு இறுதியில் தொடங்கி அடுத்த ஆண்டு மத்தியில் படம் வெள்ளித்திரையில் வெளியாகும் என அறிவிக்கப்பட்டுள்ளது.

8 ஆவது Behindwoods Gold Medals விருதுகள் இந்த ஆண்டு சென்னை தீவுத்திடலில் உள்ள island மைதானத்தில் மே 15 மற்றும் 22 ஆகிய தேதிகளில் மாலை 6 மணி முதல் இரவு 11.30 மணி வரை நடக்க உள்ளது. இதற்கான டிக்கெட் முன்பதிவு தற்போது தொடங்கியுள்ளது.

நிகழ்ச்சி டிக்கெட் முன் பதிவு செய்யும் லிங்க்.

https://www.behindwoods.com/bgm8/

அஜித் குமாரின் #AK61 படத்துல மஞ்சு வாரியர் நடிக்கிறாங்களா? அவங்களே சொன்ன EXCLUSIVE தகவல் வீடியோ

அஜித் குமாரின் #AK61 படத்துல மஞ்சு வாரியர் நடிக்கிறாங்களா? அவங்களே சொன்ன EXCLUSIVE தகவல் வீடியோ