"கௌதம் மேனன் பெரிய கமல் ரசிகர் அதான்".. 'வெந்து தணிந்தது காடு' படம் பற்றி லோகேஷ் கனகராஜ்!

இந்த படத்தினை தமிழகம் முழுவதும்  உதயநிதி ஸ்டாலினின் ரெட் ஜெயன்ட் மூவிஸ் நிறுவனம் ரிலீஸ் செய்துள்ளது.

வெந்து தணிந்தது காடு' படத்தில் சிம்பு கதாநாயகனாக 'முத்து' எனும் கதாபாத்திரத்தில் சிம்பு நடித்துள்ளார். தென் மாவட்டத்தில் இருந்து புலம்பெயர்ந்த தொழிலாளியாக மும்பைக்கு செல்லும் முத்து வீரனின் (சிம்பு) வாழ்க்கை சம்பவங்களே "வெந்து தணிந்தது காடு" படமாகும்.

இந்த படத்தில் சிம்புக்கு ஜோடியாக  நடிகை சித்தி இத்னானி நடித்துள்ளார். சிம்புவின் அம்மாவாக ராதிகா முக்கிய வேடத்தில் நடித்துள்ளார்.

'வெந்து தணிந்தது காடு’  படத்தை ஐசரி கணேஷ் தனது வேல்ஸ் பிலிம் இண்டர்நேஷனல் நிறுவனம் மூலம் தயாரித்துள்ளார்.

கௌதம் மேனனுடன் எழுத்தாளர் ஜெயமோகன் இந்த படத்திற்காக முதல் முறையாக எழுத்தாளராக இணைந்துள்ளார். கவிஞர் தாமரை பாடலாசிரியராக பணிபுரிந்துள்ளார். கலை இயக்குனராக ராஜிவ் நாயரும், உடை வடிவமைப்பாளராக கௌதம் மேனனின் தங்கை உத்தாரா மேனனும் பணிபுரிந்துள்ளனர். சித்தார்த்தா நுனி ஒளிப்பதிவு செய்துள்ளார்.

இந்நிலையில் இந்த படம் பற்றி இயக்குனர் லோகேஷ் கனகராஜ் பத்திரிகையாளர்கள் சந்திப்பில் பேசியுள்ளார். "வெந்து தணிந்தது காடு படத்தினை இன்னும் பார்க்கவில்லை. படம் பற்றி நல்ல விமானங்கள் வருகின்றன. இயக்குனர் கௌதம் மேனன் மிகப்பெரிய கமல் சார் ரசிகர். அதனால் கூட படத்தில் நாயகன் படத்தின் ரெபரன்ஸ் வைத்திருக்கலாம்" என லோகேஷ் கனகராஜ் பதில் அளித்துள்ளார்.