பிக்பாஸின் அடுத்த சீசனில் இந்த சீரியல் ஹீரோவா?... ரசிகர் கேட்ட கேள்விக்கு அவர் கூறிய பதில்...!

இந்நிலையில் இந்த வருடத்திற்கான பிக்பாஸ் வரும் ஜூன் மாதம் துவங்க உள்ளது. இதனையடுத்து பிக்பாஸ் பணிகள் வேகமாக நடந்து வருகின்றன. அதன் ஒரு பகுதியாக பிக்பாஸ் நிகழ்ச்சிக்கு ஆட்கள் தேர்வு தற்போது துரிதமாக நடந்து வருகிறது. ஒவ்வொரு வருடமும் இந்நிகழ்ச்சியில் அழகான இளம் ஆண் பிரபலங்கள் நிச்சயம் இடம் பெற்று இருப்பார்கள். இந்நிலையில் ஜீ தமிழ் தொலைக்காட்சியில் "பிரியாத வரம் வேண்டும்" என்ற தொடரில் ஹீரோவாக நடித்து வருபவர் நடிகர் விமல் வெங்கடேசன். சன் டிவியில் ஒளிபரப்பான கங்கா சீரியலில் அறிமுகமான இவர், பூவே பூச்சூடவா என்ற சீரியலிலும் நடித்துள்ளார். பிரபல மாடல் மற்றும் நடிகரான இவர் நேற்றைய தினம் தனது ரசிகர்களுடன் இன்ஸ்டாகிராமில் உரையாடியுள்ளார். அப்போது ரசிகர் ஒருவர் "நீங்கள் பிக்பாஸ் ஐந்தாம் சீசனுக்கு வருவீர்களா? வாய்ப்பு இருக்கிறதா?"என்று கேட்டதற்கு அவர் பதில் அளித்துள்ளார். அவர் கூறும்போது "பலரும் என்னிடம் இதை கேட்கிறார்கள். ஆனால் உண்மையை சொல்ல வேண்டும் என்றால், எனக்கு விஜய் டிவியில் யாரையுமே தெரியாது" என்று கூறி மறுத்துள்ளார்.