"சீக்கிரமா ஆரம்பிச்சுடலாம்.." விருப்பப்பட்ட 'இசைப்புயல்'.. கிரீன் சிக்னல் காட்டிய 'இசைஞானி'

இளையராஜா - ஏ.ஆர்.ரஹ்மான் திடீர் சந்திப்பு எதுக்காக?.. ARR கொடுத்த ஹிண்ட்?

துபாயில் நடைபெற்று வரும் 'Dubai Expo 2020' நிகழ்ச்சியில் 'இசைஞானி' இளையராஜாவின் இசை நிகழ்ச்சி நேற்று முன்தினம் இரவு மிகவும் கோலாகலமாக நடைபெற்றிருந்தது. மேலும், இந்த நிகழ்ச்சியில் ஆயிரக்கணக்கான இசை பிரியர்களும் கலந்து கொண்டனர்.

இசைஞானி - இசைப்புயல்

இந்த நிகழ்ச்சி முடிவடைந்ததையடுத்து, துபாயிலுள்ள இசைப்புயல் ஏ.ஆர். ரஹ்மானின் பிரம்மாண்டமான ஸ்டூடியோவிற்கு விசிட் அடித்துள்ளார் இளையராஜா. அங்கு அவரை வரவேற்ற ஏ. ஆர். ரஹ்மான், தன்னுடைய ஸ்டூடியாவை இளையராஜாவுக்கு சுற்றிக் காண்பித்துள்ளார். அது மட்டுமில்லாமல், இளையராஜாவுடன் அவர் போட்டோவும் எடுத்துக் கொண்டார்.

விருப்பம் தெரிவித்த ஏ.ஆர். ரஹ்மான்

இந்த புகைப்படத்தினை தன்னுடைய இன்ஸ்டாகிராம் மற்றும் ட்விட்டர் பக்கத்தில் ஏ.ஆர். ரஹ்மான் பகிர்ந்திருந்தார். அதில், "மேஸ்ட்ரோவை எங்களின் Firdaus ஸ்டூடியோவிற்கு வரவேற்பதில் மிக்க மகிழ்ச்சி. எங்களின் Firdaus Orchestra வுக்காகவும் வேண்டி, வருங்காலத்தில் அவர் ஏதாவது இசையமைப்பார் என நம்புகிறோம்" என குறிப்பிட்டுள்ளார்.

இசையுலகில் இரண்டு பெரிய கலைஞர்கள், துபாயில் சந்தித்துக் கொண்ட சம்பவம், ஒட்டு மொத்த இசை ரசிகர்கள் மத்தியில் கடும் உற்சாகத்தை அளித்துள்ளது. பலரும் இதனை தங்களுடைய சமூக வலைத்தள பக்கத்தில் பகிர்ந்தும் வந்தனர்.

ரசிகர்கள் எதிர்பார்ப்பு

'இளையராஜா 75' நிகழ்ச்சிக்கு பிறகு, இளையராஜா மற்றும் ஏ.ஆர். ரஹ்மான் ஆகியோரை ஒன்றாகக் கண்டதால், இது தொடர்பான புகைப்படங்கள், நெட்டிசன்கள் மத்தியில் அதிகம் வைரலாகி வருகிறது. அது மட்டுமில்லாமல், தங்களுக்காக வேண்டி பாடல் ஒன்றை இசையமைக்க வேண்டும் என்ற ஏ.ஆர். ரஹ்மானின் விருப்பத்திற்கு இளையராஜா என்ன பதில் சொல்ல போகிறார் என்ற எதிர்பார்ப்பும் ரசிகர்கள் மத்தியில் இருந்தது.

இளையராஜாவின் பதில் என்ன?

இந்நிலையில், ஏ.ஆர். ரஹ்மானின் ட்வீட்டினை பகிர்ந்த இளையராஜா, "கோரிக்கை ஏற்கப்பட்டு விட்டது. விரைவில் இசை அமைப்பதற்கான பணிகள் தொடங்கும்" என பதில் தெரிவித்துள்ளார். ரசிகர்கள் மத்தியில் இளையராஜாவின் பதில் இன்னும் பிரம்மிப்பை ஏற்படுத்தியுள்ளது. அதற்கான நாளை எதிர்நோக்கியும் அனைவரும் காத்து வருகின்றனர்.

BB Ultimate : பிக் பாஸ் மேடையில் 'Thug life' காட்டிய சிம்பு.. வசமாக சிக்கிய போட்டியாளர்