ஷாருக், தீபிகா படுகோனே நடித்த பதான்... படம் பார்த்த பிறகு ஹிருத்திக் ரோஷன் சொன்ன கமெண்ட்..!!

Also Read | ஷாருக்கான் நடித்த 'பதான்'.. இந்தி சினிமா வரலாற்றில் முதல்நாளிலே அதிக வசூல்! இத்தனை கோடியா?

பான் இந்திய படமாக இந்தி, தமிழ், தெலுங்கு உள்ளிட்ட மொழிகளிலும் கடந்த ஜனவரி 25ம் தேதி திரையரங்குகளில் பதான் படம் வெளியாகி உள்ளது. 5 வருடங்களுக்கு பிறகு ஷாருக்கான் பிரதான கதாபாத்திரம் ஏற்று நடித்த படமாக பதான் அமைந்துள்ளது.

பதான் படத்தில் ஷாருக்கானுக்கு ஜோடியாக நடிகை தீபிகா படுகோனே நடித்துள்ளார். மேலும் பிரபல பாலிவுட் நடிகர் ஜான் ஆபிரஹாம் முக்கிய ரோலில் நடித்துள்ளார்.

பழம்பெரும் யாஷ் ராஜ் நிறுவனத்தின் 50வது படமான பதான் படம் IMAX வடிவத்திலும் ரிலீஸ் ஆகி உள்ளது. யாஷ் ராஜ் பிலிம்ஸின் Spy Universe படங்களில் நான்காவது படமாக பதான் படம் வெளியாகி உள்ளது. முன்னதாக சல்மான் கான்  ஏக் தா டைகர் (2012),  டைகர் ஜிந்தா ஹே (2017) ,  ஹிருத்திக் ரோஷன் நடிப்பில் வார் (2019) திரைப்படங்கள் வெளியாகி உள்ளன.

இந்தியில் ஹிர்திக் ரோஷன் நடிப்பில் வெளியாகி ப்ளாக்பஸ்டர் ஆன 'வார்' படத்தின் இயக்குனர் சித்தார்த் ஆனந்த் இயக்கத்தில் 'பதான்' படம் உருவாகி உள்ளது.

முன்னாள் ரா உளவு அமைப்பில் இருந்த ஜான் ஆபிரகாம் தேசத்திற்கு துரோகம் செய்யும் வகையில் அவரும் & அவரது குழுவினரும் இந்திய  விஞ்ஞானி ஒருவரை  குழு கடத்துகின்றனர். மேலும் சின்னம்மை நோயை இந்தியாவில் பரப்ப திட்டமிடுகிறார். இந்த சதியை ஷாருக்கான் எப்படி முறியடிக்கிறார் என்பதே பதான் படத்தின் கதைக்கரு.

இந்நிலையில் பதான் படம் குறித்து நடிகர் ஹிருத்திக் ரோஷன், "என்ன ஒரு பயணம். நம்பமுடியாத ஒளிப்பதிவு,  கட்டுக்கோப்பான திரைக்கதை, அற்புதமான இசை, ஆச்சரியங்கள் மற்றும் திருப்பங்கள் அனைத்தும் அருமை. சித்தார்த் ஆனந்த் நீங்கள் அதை மீண்டும் சாதித்து விட்டீர்கள், ஆதித்யா சோப்ரா உங்கள் தைரியம் என்னை வியக்க வைக்கிறது. ஷாருக், தீபிகா, ஜான் மற்றும் ஒட்டுமொத்த குழுவிற்கும் வாழ்த்துக்கள். #பதான் 👊" என ஹிருத்திக் ரோஷன் பதிவிட்டுள்ளார்.

தற்போது ஹிருத்திக் ரோஷன், சித்தார்த் ஆனந்த்  இயக்கத்தில் தீபிகா படுகோனே உடன் இணைந்து பைட்டர் படத்தில் நடித்து வருகிறார் என்பது குறிப்பிடத்தக்கது.

Also Read | தோனி தயாரிப்பில் ஹரிஷ் கல்யாண்.. ஜோடியான பிரபல இளம் நடிகை! வேறலெவல் COMBO