தனுஷ் பிறந்தநாளில் ரசிகர்களுக்கு டபுள் ட்ரீட்.. புது போஸ்டருடன் வெளியான 'வாத்தி' அப்டேட்!

Also Read | துல்கர் - மிருணாள் - ராஷ்மிகா நடிக்கும் 'சீதா ராமம்'.. கலர்ஃபுல் ரொமாண்டிக் டிரெய்லர்!

பிரபல தெலுங்கு இயக்குனர் வெங்கி அட்லூரி இயக்கும் இந்த படம் தெலுங்கு மற்றும் தமிழில் உருவாகி வருகிறது.  இந்த படத்திற்கு "வாத்தி" என்று தலைப்பு வைக்கப்பட்டுள்ளது. தெலுங்கில் சார் (Sir) என்றும் வைக்கப்பட்டுள்ள்ளது.தேசிய விருது வென்ற எடிட்டர் நவீன் நூலி எடிட்டிங் செய்கிறார். இந்த படத்திற்கு G V பிரகாஷ் இசையமைக்கிறார்.

கல்வித்துறையை அடிப்படையாக கொண்டு இந்தப்படம் உருவாகிறது. இந்த படத்தின் படப்பிடிப்பு 2022 ஜனவரி 5 அன்று தொடங்கியது.

தற்போது இப்படத்தின் படப்பிடிப்பு  முழுவீச்சில் நடைபெற்று வருகிறது. இந்த படத்தில் தனுசுக்கு ஜோடியாக நடிகை சம்யுக்தா மேனன் நடிக்கிறார்.

இந்நிலையில் தனுஷின் 39 வது பிறந்தநாள் வரும் ஜூலை 28 ஆம் தேதி கொண்டாடப்படுகிறது. இதனை முன்னிட்டு வாத்தி படத்தின் முதல் லுக் போஸ்டர் ஜூலை 27 ஆம் தேதி வெளியாகும் என்றும் பிறந்தநாள் அன்று (ஜூலை 28 ஆம் தேதி) படத்தின் டீசர் வெளியாகும் என்றும் படத்தயாரிப்பு நிறுவனம் அதிகாரப்பூர்வமாக பிரத்யேக போஸ்டருடன் அறிவித்துள்ளது.

தனது பிறந்தநாளை முன்னிட்டு ரசிகர்களுக்கு போஸ்டர் & டீசர் மூலம் தனுஷ் டபுள் ட்ரீட் கொடுக்க உள்ளார்.

நடிகர் தனுஷ் தற்போது தமிழில் திருச்சிற்றம்பலம், நானே வருவேன், கேப்டன் மில்லர் உள்ளிட்ட திரைப்படங்களில் நடித்து வருகிறார். இந்த படங்கள் வெவ்வேறு நிலைகளில் தயாராகி வருகின்றன.

திருச்சிற்றம்பலம் படம் வரும் ஆகஸ்ட் மாதம் 18 ஆம் தேதி ரிலீசுக்கு தயாராகி வருகிறது. நானே வருவேன் படத்தின் படப்பிடிப்பு முடிந்து பின் தயாரிப்பு பணிகள் நடைபெற்று வருகின்றன. கேப்டன் மில்லர் திரைப்படத்தின் படப்பிடிப்பு விரைவில் துவங்கும் என்று படத்தயாரிப்பு நிறுவனம் அறிவித்துள்ளது.

Also Read | பிரபல OTT-க்கு ஷாருக்கான் தயாரிப்பில் ஆலியாபட் நடிக்கும் DARLINGS.. வெளியான கலக்கல் டிரெய்லர்!