தனுஷின் 20 ஆண்டுகால சினிமா வாழ்க்கை.. "வாத்தி" படக்குழு வெளியிட்ட புதிய லுக் போஸ்டர்!

Also Read | 7 ஆண்டுக்கு பின் 'விக்ரம்' படத்தில் கமல் குத்து டான்ஸ்.. வெளிவந்த மாஸ் போஸ்டர்! ஆண்டவர் ஆட்டம்

பிரபல தெலுங்கு இயக்குனர் வெங்கி அட்லூரி இயக்கும் இந்த படம் தெலுங்கு மற்றும் தமிழில் உருவாக உள்ளது.  இந்த படத்திற்கு வாத்தி என்று தலைப்பு வைக்கப்பட்டுள்ளது. தெலுங்கில் சார் (Sir) என்றும் வைக்கப்பட்டுள்ள்ளது.தேசிய விருது வென்ற எடிட்டர் நவீன் நூலி எடிட்டிங் செய்கிறார். இந்த படத்திற்கு G V பிரகாஷ் இசையமைக்கிறார்.

கல்வித்துறையை அடிப்படையாக கொண்டு இந்தப்படம் உருவாவதை போஸ்டர் மூலம் அவதானிக்க முடிகிறது. இந்த படத்தில் தனுசுக்கு ஜோடியாக நடிகை சம்யுக்தா மேனன் நடிக்கிறார். இந்த படத்தின் படப்பிடிப்பு 2022 ஜனவரி 5 அன்று தொடங்கியது. இதற்கான ஆரம்ப பட பூஜை ஜனவரியில் நடந்தது. இதில் தனுஷ், இயக்குனர் வெங்கி, சம்யுக்தா மேனன் கலந்து கொண்டனர்.

இந்நிலையில் தனுஷ் சினிமாவுக்கு வந்து 20 வருடங்கள் ஆவதை ஒட்டி 'வாத்தி' படக்குழு புதிய போஸ்டரை வெளியிட்டுள்ளது. அதில் துள்ளுவதோ இளமை பட ஸ்டில்லுடன் வாத்தி பட ஸ்டில்லை இணைத்து இந்த போஸ்டரை உருவாக்கி  உள்ளனர். இந்த போஸ்டர் ரசிகர்கள் மத்தியில் நல்ல வரவேற்பை பெற்றுள்ளது.

கடந்த வருடத்தில் வெற்றிமாறன் இயக்கத்திலான அசுரன் திரைப்படம் மூலம் சிறந்த நடிகருக்கான இந்திய அரசின் தேசிய விருதினை நடிகர் தனுஷ் பெற்றிருக்கிறார். தமிழைத் தொடர்ந்து இந்தி, பிரஞ்சு, ஹாலிவுட் என பல மொழி, நாட்டு திரைப்படங்களிலும் நடிக்கும் நடிகர் தனுஷ் தற்போது தமிழில் திருச்சிற்றம்பலம், நானே வருவேன் உள்ளிட்ட திரைப்படங்களில் நடித்து வருகிறார்.

8 ஆவது Behindwoods Gold Medals விருதுகள் இந்த ஆண்டு சென்னை தீவுத்திடலில் உள்ள island மைதானத்தில் மே 15 மற்றும் 22 ஆகிய தேதிகளில் மாலை 6 மணி முதல் இரவு 11.30 மணி வரை நடக்க உள்ளது. இதற்கான டிக்கெட் முன்பதிவு தற்போது தொடங்கியுள்ளது.

நிகழ்ச்சி டிக்கெட் முன் பதிவு செய்யும் லிங்க். https://behindwoods.com/bgm8

தனுஷின் 20 ஆண்டுகால சினிமா வாழ்க்கை.. "வாத்தி" படக்குழு வெளியிட்ட புதிய லுக் போஸ்டர்! வீடியோ