VIDEO: "ரொம்ப நன்றி அண்ணே!!".. மாஸ் காட்டிய மெகா ஸ்டார் சிரஞ்சீவி!.. நெகிழ்ந்து போன பொன்னம்பலம்!

அனேகமான படங்களில் இவரை பொன்னம்பலம் என்று சொல்வதைவிட  ‘கபாலி’ என்று சொன்னால் தான் பலருக்கும் தெரிந்த ஒரு வில்லன் நடிகராக பரிச்சயமானவர். பொன்னம்பலம் இடையில் உடல் நலக்குறைவால் பாதிக்கப்பட்டு பின்னர் சிகிச்சை பெற்று மீண்டு வந்தார்.

இந்த நிலையில் பொன்னம்பலத்திற்கு கிட்னி கோளாறு காரணமாக சிகிச்சை மேற்கொள்ளப்பட்டு வந்தது. அவருக்கு  கிட்னி அறுவை சிகிச்சை செய்வதற்கு பண உதவி தேவை பட்டதாக தெரிகிறது. இந்த நிலையில் பிரபல தெலுங்கு மெகா ஸ்டார் நடிகர் சிரஞ்சீவி பொன்னம்பலத்திற்கு 2 லட்சம் ரூபாய் பண உதவி அளித்து நெகிழ வைத்திருக்கிறார். இதையடுத்து பொன்னம்பலம் மெகா ஸ்டார் சிரஞ்சீவிக்கு நன்றி சொல்லி நெகிழ்ந்து, ஒரு வீடியோவையும் சமூக ஊடக பக்கத்தில் பதிவிட்டிருக்கிறார்.

Megastar Chiranjeevi @KChiruTweets garu transferred an amount of 2 Lakh rupees to Artist #Ponnambalam for his kidney transplant operation. pic.twitter.com/LzLhRQPSlJ

— Vamsi Kaka (@vamsikaka) May 21, 2021

இதுபற்றி அந்த வீடியோவில் உருக்கமாகப் பேசி இருக்கும் பொன்னம்பலம், "சிரஞ்சீவி அண்ணனுக்கு வணக்கம்! ஜெய் ஸ்ரீராம்.. ரொம்ப நன்றி அண்ணா.. கிட்னி அறுவை சிகிச்சைக்காக நீங்கள் கொடுத்த 2 லட்சம் ரூபாய் மிகவும் உதவிகரமாக இருந்தது. அதனை உயிருள்ளவரை மறக்கமாட்டேன். அண்ணனுக்கு என்னுடைய மனமார்ந்த நன்றி. உங்கள் பெயர் கொண்ட ஆண்டவர் ஆஞ்சநேயரும் சிரஞ்சீவியாக உங்களை வைத்திருப்பார். ஜெய் ஸ்ரீராம் நன்றி அண்ணே" என்று தெரிவித்துள்ளார்.

ALSO READ: தமிழ்லயே 'இப்படி' ரிலீஸ் ஆகுற படம் ஜகமே தந்திரம் தான்!.. "ரகிட.. ரகிட..".. ரசிகர்களுக்கு YNotStudios-ன் மாஸ் ரிப்ளை!