"வெளிய விடுங்க என்னை" .. BIGG BOSS வீட்டில் தனலெட்சுமி உண்ணாவிரதமா‌?

இந்த பிக்பாஸ் நிகழ்ச்சியில், யூடியூபர் ஜி.பி.முத்து, இசைக் கலைஞரான அசல் கோலார், சீரியல் நடிகர் அசீம், திருநங்கை ஷிவின் கணேசன், டான்ஸ் மாஸ்டர் ராபர்ட், மாடல் ஷெரினா, கிரிக்கெட் வீரர் ராம் ராமசாமி, ராப் சிங்கரான ஆர்யன் தினேஷ் (ADK), மாடல் ஷெரினா, தொகுப்பாளினி ஜனனி,  KPY அமுதவாணன், VJ மகேஸ்வரி, VJ கதிரவன், சத்யா சீரியல் நடிகை ஆயிஷா, ஈரோடு டிக்டாக் பிரபலம் தனலட்சுமி, நடிகை ரச்சிதா மகாலட்சுமி, ஐஸ்வர்யா ராஜேஷின் சகோதரரான மணிகண்டன் ராஜேஷ், மெட்டி ஒலி ஷாந்தி அரவிந்த், VJ விக்ரமன், மாடல் குயின்சி ஸ்டான்லி, சிங்கப்பூர் மாடல் நிவாஷினி, மைனா நந்தினி உள்ளிட்ட 21 நபர்கள் உள்ளிட்டோர் பங்கேற்றனர்.

இவர்களுள் பலரையும் கவர்ந்த ஜிபி முத்து, தன் மகன் நினைவாக இருப்பதாக கூறி பிக்பாஸில் இருந்து வெளியேறினார்.

இதனை தொடர்ந்து முதல் எலிமினேஷனாக ‘மெட்டி ஒலி’ சாந்தி வெளியேற்றப்பட்டார்.   இதற்கு அடுத்த கட்டமாக அக்டோபர் 30-ஆம் தேதி ஒளிபரப்பான எபிசோடில், அசீமா? அசலா? மகேஸ்வரியா? யார் வெளியேற்றப்படவிருக்கிறார்கள் என பரபரப்பாக பேசப்பட்டுக் கொண்டிருந்தது, முதலில் மகேஸ்வரி எலிமினேட் செய்யப்படவில்லை என கமல் அறிவித்தார்.  இறுதியாக அசல் வெளியேற்றப்படுவதாக கமல் அறிவித்தார்.

அதன்பிறகு கடந்த வாரத்தில் ஷெரினாவை மலையாளத்தில் எழுதப்பட்ட பெயர் கார்டை காண்பித்து அவர் எலிமினேட் ஆவதாக கமல்ஹாசன் அறிவித்திருந்தார்.

சமீபத்தில் பிக்பாஸ் வீட்டுக்குள் ஃபேக்டரி டாஸ்க் நடந்தது. இதில் இருவகை அணிகளாக பிரிந்து பிக்பாஸ் ஹவுஸ்மேட்ஸ் கடைகளை வைத்திருக்கின்றனர். இந்த இனிப்பு பொருட்களுக்கான அட்டைகளை வீட்டுக்குள் அனுப்பும்போது போட்டியாளர்கள் முந்தியடித்துக்கொண்டு என்று கலெக்ட் செய்துகொண்டு வருகின்றனர். இதில்தான், தனலட்சுமி - மணிகண்டன் இடையே தள்ளுமுள்ளு ஏற்பட, இறுதியில் அந்த பொருட்கள் மணிகண்டன் கையில் வந்துவிடுகின்றன.

இதில், தனலட்சுமி மிகவும் ஆவேசமாக தன்னை தள்ளிவிட்டு தன் கையிலிருந்து பிடுங்கி மணிகண்டன் பொருட்கள் எடுத்துக் கொண்டதாக கூறுகிறார். இந்த பேச்சில் தனலட்சுமி மரியாதைக் குறைவாகப் பேசுவதாய் சொன்ன மணிகண்டன்,    “உன் வயது என்ன? என்னை எப்படி ‘டா’ என்று சொல்கிறாய்?” என்று இன்னும் கொதிக்கிறார். 

மேலும் தனலட்சுமி சொல்வது போல், அவரை தள்ளிவிட்டு அவர் கையிலிருந்து பிடுங்கி பொருட்களை எடுத்துக் கொள்ளவில்லை என்று ஆவேசமாக மணிகண்டன் பதில் சொல்ல, இதை யாரெல்லாம் பார்த்தீர்கள் என்று தனலட்சுமி சாட்சிக்கு மற்ற ஹவுஸ் மேட்ஸை கேட்கிறார். இறுதியில் நீ எப்படி வேண்டுமானாலும் எடுத்துக்க என்று ஆவேசமாக தனலட்சுமி கூறினார்.

சண்டைக்கு பின்னர் பல மணித்துளிகளுக்கு பின்னர் தனலெட்சுமி அழும் போது, "முதலாளி அழக்கூடாது முதலாளி" என மைனா ஜாலியாக தனலெட்சுமியை கலாய்க்கிறார். மேலும் "என் வீட்டுக் கன்னுக்குட்டி" பாடலையும் மைனா பாடுகிறார். இச்சூழலில் மணிகண்டன் எழுந்து தனலெட்சுமி நோக்கி நடந்து சென்று தனலெட்சுமியை 'சிஸ்டர்' என கூறி சமாதானம் செய்கிறார். இதை பார்த்த ஹவுஸ்மேட்ஸ் நெகிழ்ச்சியுடன் கைதட்டி ஆரவாரம் செய்தனர்.

இந்நிலையில் தனலெட்சுமி கேமரா முன் வந்து நின்று பிக்பாஸிடம் ஒரு வேணடுகோள் வைக்கிறார். அதில், இந்த வீட்டில் சாப்பிட மாட்டேன். நான் வந்து யார் கூடவும் பேசல. என்ன சனிக்கிழமை வெளிய அனுப்பிடுங்க. ஒரு வாய் தண்ணீர் கூட குடிக்க மாட்டேன். இந்த வீட்டில் உள்ள எந்த பொருளையும் பயன்படுத்த மாட்டேன். என்னை வெளியே முதல்ல அனுப்புங்க" என பேசியுள்ளார். தனலெட்சுமியின் இந்த முடிவின் அடுத்த கட்ட நகர்வு எப்படி இருக்கும் என்பது இந்த வார இறுதி எபிசோடில் கமல்ஹாசன் தோன்றும் போது தெரியவரும் என எதிர்பார்க்கப்படுகிறது.

Dhana to Biggbox

Saptamatan Yaru kudayum Pesamatten, Saturday Enna Veetuku Amichirunga#BiggBossTamil6 #BiggBoss#BiggBossTamil pic.twitter.com/c6fePNrDU3

— BIGG BOX TROLL (@drkuttysiva) November 11, 2022