குக் வித் கோமாளி பாபா பாஸ்கர்... ஜி.வி.பிரகாஷ் நடிச்ச அந்த படத்துக்கு இயக்குனர் இவர்தானாம்..!.

இந்த சீசனை பொருத்தவரை ஒவ்வொரு போட்டியாளரும் ஒருவகையில் ஆச்சரியத்தை அளிக்கிறார்கள். ஷகிலா தொடங்கி இளம் நடிகரான அஸ்வின் வரை சமைத்து அசத்துகிறார்கள். அதிலும் திரைத்துறையில் பலரையும் ஆட்டுவித்த புகழ்பெற்ற நடன அமைப்பாளரான பாபா பாஸ்கர் இந்நிகழ்ச்சியில் செய்யும் ரகளை சமையல் அனைவரையும் வெகுவாக கவர்ந்துள்ளது என்றே சொல்லலாம். நடிகர் சிவகார்த்திகேயன் இந்த நிகழ்ச்சிக்கு வந்திருந்த போது கூட இதையே தான் வழிமொழிந்தார். இந்நிலையில் பாபா பாஸ்கர் மாஸ்டர்  பற்றி பலருக்கும் தெரியாத ஒரு தகவல் இருக்கிறது. அவர் இயக்குனராகவும் பணியாற்றியுள்ளார். ஜி.வி பிரகாஷ், பார்த்திபன், யோகிபாபு நடிப்பில் 2019ஆம் ஆண்டு வெளியான 'குப்பத்து ராஜா' என்ற படத்தை கதை, திரைக்கதை அமைத்து அவரே இயக்கி இருந்தார் என்பது குறிப்பிடத்தக்கது.