BEHINDWOODS டிஜிட்டல் விருது வாங்கிய ஆங்கர் டிடி... டிவிட்டரில் வாழ்த்து தெரிவித்த டாப் நடிகர்...!

இந்நிலையில் இந்த வருடத்திலிருந்து புதிய விருது விழாவை அறிமுகப்படுத்துவதில் பெருமை கொள்கிறது Behindwoods. அதாவது Behindwoods Gold Icons என்ற பெயரில் தொலைக்காட்சி, டிஜிட்டல் மற்றும் சமூகம் சார்ந்த பல விருதுகளை இந்த வருடத்திலிருந்து வழங்கி அங்கீகாரம் அளிக்க இருக்கின்றோம். அந்த வகையில் பிரமாண்ட விருது வழங்கும் விழாவில் தொலைக்காட்சி மற்றும் டிஜிட்டல் துறையை சார்ந்த மக்களுக்கு பேவரைட்டான பல பிரபலங்களும் பங்கு பெற்றுள்ளனர்.

இந்நிலையில் விஜய் டிவியின் தொகுப்பாளர் திவ்யதர்ஷினி என்கிற டிடிக்கு அறிமுகம் என்பது தேவையில்லை. 90ஸ் கிட்ஸ்கள் தொடங்கி 2k கிட்ஸ்கள் வரை பலரது பேவரைட் தொகுப்பாளராக இன்றுவரை நிலைத்து நிற்கிறார். கிட்டதட்ட இருபது வருடங்களாக கலைத் துறையில் பணியாற்றி வருகிறார். இந்நிலையில் விஜய் டிவி தொகுப்பாளர் திவ்யதர்ஷினிக்கு தொலைக்காட்சித் துறையின் கோல்டன் ஐகான்  விருது வழங்குவதில் பெருமை கொள்கிறது Behindwoods. இது பற்றி அவர் தனது டிவிட்டர் பக்கத்தில் பகிர்ந்துள்ளார். அவர் கூறும்போது "இந்த விருதை வாங்கியது என் வாழ்க்கையில் மிகவும் மகிழ்ச்சியான தருணம். அதுவும் என்னைவிட என் வெற்றியை நேசிக்கும் இருவர் கையில் இருந்து வாங்கியது இன்னும் பெருமை. மிக்க நன்றி Behindwoods. நெகிழ்ச்சியான தருணம்" என்று கூறியுள்ளார். இந்நிலையில் இதை பார்த்த நடிகர் சிவகார்த்திகேயன் தற்போது இந்த பதிவிற்கு மறுபதிவு வெளியிட்டுள்ளார். அவர் கூறும் பொழுது "வாழ்த்துக்கள் டிடி. இன்னும் நிறைய விருதுகள் வாங்கணும்" என்று கூறியுள்ளார். இந்த பதிவுகள் தற்போது வைரலாகி வருகிறது.

Vazthukkal DD🤗🤗innum neraya virudhugal vaanganum👏👏👏😊👍 https://t.co/YhTyMgnFXE

— Sivakarthikeyan (@Siva_Kartikeyan) March 8, 2021