18 வருடங்களுக்கு பிறகு இயக்குனர் ஷங்கருடன் இணையும் பிரபலம்... வைரலாகும் ‘நெகிழ்ச்சி’ டிவீட்!!!

மிகுந்த பொருட்செலவில் உருவாகும் இந்த படத்தின் இசையமைப்பாளர் யார் என்பதே டோலிவுட்டின் மிகப்பெரிய கேள்வியாக இருந்து வந்தது.

தற்போது அந்த கேள்விக்கு பதில் கிடைத்துள்ளது. அது வேறு யாருமல்ல... இயக்குனர் ஷங்கரால் அடையாளம் காணப்பட்ட இசையமைப்பாளர் தமனே தான்!

2003 ம் ஆண்டு வெளியான “பாய்ஸ்” படத்தின் மூலம் திரைத்துறைக்கு நடிகராக அறிமுகமான தமன் பின்னர் தெலுங்கு பட உலகின் முன்னணி இசையமைப்பாளராக உருவெடுத்தார். தெலுங்கின் முன்னணி ஹீரோக்களின் படங்களுக்கு தொடர்ச்சியாக இசையமைத்து தற்போது தனக்கென தனித்த ரசிகர் பட்டாளத்தையும், பல படங்களையும் கைவசம் வைத்திருக்கிறார்.

இயக்குனர் ஷங்கருடன் மீண்டும் இணைந்தது குறித்து இசையமைப்பாளர் தமன் தனது டிவிட்டர் பக்கத்தில் கீழ் உள்ளவாறு குறிப்பிட்டுள்ளார் : -

”இந்த படத்தில் இணைவதில் பெருமைப்படுகிறேன். இந்த படத்தின் இசை மறக்க முடியாததாக இருக்கும்... இயக்குனர் ஷங்கரை 2000-ஆம் ஆண்டிலிருந்து கவனித்து வருகிறேன். அப்போதிலிருந்து இப்போது வரை அவரின் அறிவியல் சிந்தனை, சினிமாவில் புது முயற்சிகள் இன்னும் குறையவில்லை... நேர்மறையான எண்ணங்கள் அவரிடம் விரவியுள்ளன!”

It’s from the Year 2000 till 2021 I have been witnessing @shankarshanmugh Sir

the Way he thinks Imagine the Science & life beyond Cinema ❤️I am Still Seeing the Same Energy and the Aura behind this Wonderful Human❤️.Happy to be Part of the TEAM for #RC15 as #Composer#Godbless pic.twitter.com/4EloKA68XN

— thaman S (@MusicThaman) July 19, 2021

இந்த திரைப்படம் ராம் சரண் - தமன் கூட்டணியில் மூன்றாவது திரைப்படம் ஆகும். இதற்கு முன்பு இந்த இருவர் கூட்டணியில் ’நாயக்’ மற்றும் ’புருஸ்லி’ என இரண்டு திரைப்படங்கள் வெளிவந்துள்ளன.