பிரபல தமிழ் நடிகர் கையில்.. தோனி பயன்படுத்திய கிரிக்கெட் பேட்.. வைரலாகும் ட்வீட்!!

Images are subject to © copyright to their respective owners

ரஜினிகாந்த்,  அஜித்குமார், விஜய், சூர்யா, சிவகார்த்திகேயன், விஜய் சேதுபதி உள்ளிட்ட முன்னணி நடிகர்களுடன் இணைந்தும் யோகி பாபு நடித்துள்ளார்.

மேலும் கடந்த ஆண்டு வெளியாகி இருந்த நானே வருவேன், லவ் டுடே, காஃபி வித் காதல் உள்ளிட்ட பல திரைப்படங்களிலும் யோகி பாபு நடித்திருந்தார். கடந்த பொங்கல் பண்டிகையை முன்னிட்டு நடிகர் விஜய் நடிப்பில் வெளியாகி இருந்த திரைப்படம் வாரிசு. இந்த திரைப்படத்திலும் நடித்த யோகி பாபு, நடிகர் விஜய்யுடன் சேர்ந்து நடித்திருந்த காமெடி காட்சிகள், பெரும் வரவேற்பினையும் திரையரங்குகளில் பெற்றிருந்தது. மேலும் சமீபத்தில் பொம்மை நாயகி என்ற திரைப்படமும் யோகி பாபு நடிப்பில் வெளியாகி இருந்தது.

இதனைத் தொடர்ந்து, ஜெயிலர், ஜவான் உள்ளிட்ட பல்வேறு திரைப்படங்களிலும் யோகி பாபு நடித்து வருகிறார். இந்த நிலையில், இந்திய அணியின் முன்னாள் கிரிக்கெட் வீரர் எம்.எஸ். தோனி கையெழுத்திட்ட பேட் ஒன்றுடன் இருக்கும் புகைப்படத்தை தனது ட்விட்டர் பக்கத்தில் யோகி பாபு பகிர்ந்துள்ளார்.

Direct from #MSDhoni hands which he played in nets . Thankyou @msdhoni sir for the bat .... Always cherished with the - your cricket memory as well as cinematic memory #dhonientertainmentprod1 #sakshidhoni . pic.twitter.com/2iDv2e5aBZ

— Yogi Babu (@iYogiBabu) February 15, 2023

கிரிக்கெட் விளையாட்டில் அதிக ஆர்வமுள்ள யோகி பாபு, ஷூட்டிங் ஸ்பாட் உள்ளிட்ட பல்வேறு இடங்களில் கிரிக்கெட் விளையாடுவதை வழக்கமாக கொண்டுள்ளார். அந்த வகையில், சமீபத்தில் நடிகர் விஜய் பரிசளித்த பேட் கொண்டு யோகி பாபு கிரிக்கெட் விளையாடி இருந்த வீடியோவும் ரசிகர்கள் மத்தியில் லைக்குகளை பெற்றிருந்தது.

pic.twitter.com/nMuQPVvtw8

— Yogi Babu (@iYogiBabu) February 15, 2023

இதனைத் தொடர்ந்து, தோனிக்கு நன்றி சொல்லி ஒரு வீடியோவை தனது ட்விட்டர் பக்கத்தில் யோகி பாபு பகிர்ந்துள்ளார். மேலும், இந்த பேட்டை தோனி பயிற்சியின் போது பயன்படுத்தியதாகவும் குறிப்பிட்டுள்ளார். அதே போல, தோனி கையெழுத்திட்ட பேட் ஒன்றை தனது கையில் வைத்தபடி இருக்கும் புகைப்படத்தை பகிர்ந்துள்ளார் யோகி பாபு. அந்த பேட்டில், "Best Wishes Yogi Babu" என குறிப்பிடப்பட்டு தோனியின் கையெழுத்தும் இடம்பெற்றுள்ளது.