வீடியோ கேம் விளையாடும் மகன்... செல்லமாய் தொந்தரவு செய்யும் விஜய்... வைரலாகும் புகைப்படம்..!

இந்நிலையில் விஜய் பற்றி எந்த செய்தி வெளியானாலும் அது சீக்கிரமே வைரலாவது வழக்கம். அவர்  பொதுவாகவே சமூக வலைதளங்களில் பதிவிடுவது அரிது. அப்படி அவர் ஒரே ஒரு வார்த்தை பதிவிட்டாலும் அவரது ரசிகர்கள் கொண்டாடித் தீர்த்து விடுகின்றனர். அந்த வகையில் சமூக வலைத்தளத்தில் ஒரு புகைப்படம் தற்போது வைரலாகி வருகிறது. தனது மகன் ஜேசன் சஞ்சய் உடன் அவர் இயல்பாக விளையாடி சிரித்துக் கொண்டிருக்கும் அந்த புகைப்படம் பார்ப்பவர்களை கவர்ந்துள்ளது.

அவருக்கு சங்கீதா என்ற மனைவியும், ஜேசன் சஞ்சய் மற்றும் திவ்யா சாஷா என்று இரு பிள்ளைகள் இருக்கின்றனர் என்பது அனைவரும் அறிந்த விஷயம். அவரது மகன் 'வேட்டைக்காரன்' திரைப்படத்தில் விஜய்யயுடன் ஒரு பாடலில் தோன்றியிருப்பார். இந்நிலையில் அவர் நடிப்பு சம்மந்தமாக கனடாவில் படித்து வருகிறார் என்பது குறிப்பிடத்தக்கது. திரையிலும் சரி, நிஜத்திலும் விஜய்யின் செல்ல குறும்புகள் ரசிக்கும் படி இருக்கிறது என்று அவரது ரசிகர்கள் கமெண்ட் செய்து வருகின்றனர்.