கமலின் சூப்பர் ஹிட் படத் தலைப்பில் சதீஷின் அடுத்த படம்… சிம்பு வெளியிட்ட EXCITING போஸ்டர்!

”மனச அங்கயே இருக்கு”… இன்னும் மறக்க முடியல போல…. திவ்யபாரதி வைரல் போஸ்ட்

ஹீரோவான சதீஷ்…

தமிழ் சினிமாவில் முன்னணி நகைச்சுவை நடிகர்களில் ஒருவராக இருந்து வருபவர் சதீஷ். நடிகர் வசனகர்த்தா கிரேஸி மோகனின் நாடகக் குழுவில் இருந்து வந்த அவர் ஏ எல் விஜய்யின் பொய் சொல்லப்போறோம், மதராசப்பட்டணம் மற்றும் சிவகார்த்திகேயனின் எதிர்நீச்சல் ஆகிய படங்களின் மூலம் கவனம் பெற்றார். தொடர்ந்து முன்னணி நடிகர்களின் நடித்த அவர் கதாநாயகனாக நடித்த நாய் சேகர் படம் சமீபத்தில் வெளியானது. தற்போது OMG என்ற படத்தில் சன்னி லியோனுயடன் நடித்து வருகிறார். அதையடுத்து அவர் நடிப்பில் உருவாகும் த்ரில்லர் படமான ‘சட்டம் என் கையில்’ படத்தின் போஸ்டரை சிம்பு வெளியிட்டுள்ளார். சட்டம் என் கையில் என்ற பெயரில் கமல் நடிப்பில் 1978 ஆம் ஆண்டு படம் வெளியாகி மிகப்பெரிய வெற்றி பெற்றது குறிப்பிடத்தக்கது.

சிம்பு வெளியிட்ட போஸ்டர்.

க்ரிஷ் இன்டர்நேஷனல் பிலிம் கிரியேசன், சீட்ஸ் என்டர்டைன்மென்ட் மற்றும் சண்முகம் கிரியேசன் இணைந்து தயாரிக்க, நடிகர் சதீஷ் நடிக்கும் திரில்லர் திரைப்படம் “சட்டம் என் கையில்”. இப்படத்தை ‘சிக்சர்’ படப்புகழ் இயக்குனர் சாச்சி இயக்கியுள்ளார். இன்று இப்படத்தின் ஃபர்ஸ்ட் லுக்கை தமிழ் சினிமாவின் முன்னணி நடிகர் சிலம்பரசன் TR வெளியிட்டார்.

படம் குறித்து இயக்குநர் சாச்சி கூறியதாவது…

பிரபல காமெடி நடிகர் சதீஷை மாறுபட்ட தோற்றத்தில் காட்ட வேண்டும் என்று நினைத்தேன். நடிகர் சதீஷ் காமெடி மட்டுமே செய்யக் கூடியவர் அல்ல, அவரின் திறமையை, அவரது வேறொரு பரிமாணத்தை “சட்டம் என் கையில்” படத்தில் பார்க்கலாம். அவரது தனித்துவமான நடிப்பு நிச்சயம் அனைவரின் கவனத்தையும் ஈர்க்கும். என் முதல் படம் முழுக்க காமெடியை சுற்றியதாக இருக்கும், ஆனால் இந்த படம் அதிலிருந்து மாறுபட்டு பரபர திரில்லர் படமாக உருவாகியுள்ளது.

ஒரு இரவில் நடக்கும் கதை…

ஒரு இரவில் நடக்கும் கதை, நாயகன் டிரங்க் & டிரைவ் கேஸில் போலீசிடம் மாட்டுகிறார், அந்த இரவில் அவருக்கு நடக்கும் சம்பவங்கள் தான் இந்தப் படம். மென்மையாக ஆரம்பிக்கும் படம், ரசிகர்களை இருக்கை நுனியில் அமர்த்தி வைக்கும் பரபர திரில்லர் அனுபவமாக மாறிவிடும். நடிகர் பாவெல் நவகீதன் மற்றும் அஜய் ராஜ் முக்கிய கதாபாத்திரத்தில் நடித்துள்ளனர். அனைத்து மக்களையும் எளிதில் கவரும் படியாக, கமர்ஷியல் திரில்லராக இப்படம் இருக்கும். இப்படத்தின் ஃபர்ஸ்ட் லுக்கை ஒரு பிரபலம் வெளியிட்டால் நன்றாக இருக்குமென நடிகர் சிலம்பரசன் TR அவர்களை அணுகினோம். உடனே ஒப்புக் கொண்டு, படத்தை பாராட்டி ஃபர்ஸ்ட் லுக்கை வெளியிட்டார். அவருக்கு இந்த நேரத்தில் எங்களது படக்குழுவினர் சார்பாக நன்றியை தெரிவித்து கொள்கிறேன். 

படத்தில் பணியாற்றும் தொழில்நுட்ப கலைஞர்கள்…

ஒளிப்பதிவு - P.G. முத்தையா

இசை - M.S. ஜோன்ஸ் ரூபர்ட்

படத்தொகுப்பு - கதிரேஷ் அழகேசன்

கலை இயக்கம் - N.K. ராகுல்

சண்டைப் பயிற்சி - ராம் குமார்

எக்ஸிகியூடிவ் புரொடுயுசர் - Pa. சிவா

மக்கள் தொடர்பு - சதீஷ் (AIM)

RRR படத்தின் வியக்க வைக்கும் வசூல் சாதனை… படக்குழு வெளியிட்ட BOX OFFICE போஸ்டர்!