இறுதிச் சடங்கில் தந்தையின் உடலை சோகத்துடன் தாங்கி வந்த அஜித்.. உருக்கமான வீடியோ!

Also Read | "தந்தையின் இறுதிச்சடங்கு நிகழ்வு".. உருக்கமான அறிக்கை வெளியிட்ட அஜித்குமார் & சகோதரர்கள்..!

தமிழ் சினிமாவின் முன்னணி நடிகரான வலம் வருபவர் நடிகர் அஜித்குமார். நேர்கொண்ட பார்வை, வலிமை படங்களின் வெற்றிக்கு பிறகு சமீபத்தில் நடிகர் அஜித் நடிப்பில் பல ரசிகர்களின் எதிபார்ப்பிற்கு இடையில் பொங்கலை முன்னிட்டு ஜனவரி மாதம் 10 ஆம் தேதி துணிவு திரைப்படம் வெளிவந்தது.

துணிவு திரைப்படம் ரசிகர்களிடையே பெரும் வரவேற்பை பெற்றது. துணிவு படம் கடந்த பிப்ரவரி 8 ஆம் தேதி முதல் நெட்பிளிக்ஸ் தளத்தில் வெளியாகி உள்ளது. மேலும் தியேட்டரை தொடர்ந்து ஓடிடி தளத்திலும் துணிவு படம் பலத்த வரவேற்பைப் பெற்று வருகிறது.

நடிகர் அஜித்குமார் அடுத்ததாக லைக்கா நிறுவனம் தயாரிப்பில் புதிய படத்தில் நடிக்க உள்ளார். இந்நிலையில் நடிகர் அஜித் குமாரின் தந்தை சுப்ரமணியம் வயது முதிர்வு மற்றும் உடல்நலக்குறைவால் இன்று அதிகாலை சென்னையில் நடிகர் அஜித் குமார் இல்லத்தில்  காலமானார். அவருடைய மறைவுக்கு தமிழக அரசின் முதலமைச்சர் ஸ்டாலின், எதிர்கட்சித் தலைவர் எடப்பாடி பழனிச்சாமி, பாமக நிறுவனர் ராமதாஸ், சசிகலா, விஜயபாஸ்கர், விஜய் வசந்த், நடிகர் ஜி எம் சுந்தர், நடிகை சாக்ஷி அகர்வால், நடிகர் சிவா ஆகியோர் அறிக்கை வெளியிட்டு இரங்கல் தெரிவித்துள்ளனர்.

இந்நிலையில் அஜித்குமார் தந்தையார் பி.எஸ்.மணியின் இறுதி சடங்கு பெசண்ட் நகர் மின்மயானத்தில் நடைபெற்றது.  இறுதிச் சடங்கில் நடிகர் அஜித் குமார், நடிகை ஷாலினி அஜித்குமார், நடிகர் ரிச்சர்ட் ரிஷி, நடிகர் சிவா உள்ளிட்ட அஜித்குமாரின் உறவினர்கள் கலந்து கொண்டனர். மேலும் சுரேஷ் சந்திரா, அனு வர்தன், மருத்துவர் விஜய் ஷங்கர் ஆகியோர் கலந்து கொண்டனர். 

மின் மயானத்திற்கு தந்தையின் உடலை நடிகர் அஜித் குமார் தாங்கி தள்ளிக் கொண்டு வந்தார். வெண்ணிற சட்டை மற்றும் வேட்டி அணிந்து இறுதிச் சடங்கில் அஜித்குமார் கலந்து கொண்டார். பிராமணர்கள் குழு வேத மந்திரங்கள் ஓதி உடலுக்கு அஞ்சலி செலுத்தினர்.

Also Read | நடிகர் அஜித் தந்தையின் இறுதி ஊர்வலம்.. மலர் மாலை மற்றும் தென்னை ஓலை வைத்து அஞ்சலி.. வீடியோ

இறுதிச் சடங்கில் தந்தையின் உடலை சோகத்துடன் தாங்கி வந்த அஜித்.. உருக்கமான வீடியோ! வீடியோ