என் படத்துக்கு சசிக்குமாரின் 'சுப்ரமணியபுரம்' தான் இன்ஸ்பிரேஷன் - பிரபல பாலிவுட் இயக்குநர்

80களில் நடப்பது போன்று இந்த படத்தின் கதை அமைக்கப்பட்டிருக்கும். அந்த காலத்து இளைஞர்களது வாழ்வையும், அரசியல்வாதிகளின் சுயநலத்துக்காக அவர்கள் எவ்வாறு பயன்படுத்தப்படுகிறார்கள் என்பது பற்றியும் அப்பட்டமாக பேசியது இந்த படம்.

கடந்த 2008 ஆம் ஆண்டு வெளியான இந்த படம் விமர்சன ரீதியாகவும் வசூல் ரீதியாகவும் பெரும் வெற்றி பெற்றது. இந்நிலையில் பாலிவுட் இயக்குநர் அனுராக் காஷ்யப் இந்த படம் தான் தனது கேங்க்ஸ் ஆப் வாசிப்பூர் படத்துக்கு தூண்டுகோலாக அமைந்தது என பல்வேறு பேட்டிகளில் தெரிவித்திருந்தார்.

மேலும் இந்த படத்தை சிறந்த படங்களில் ஒன்று என்று கொண்டாடி வருகிறார். இந்நிலையில் மஹாராஷ்டிரா மாநிலத்தில் உள்ள பந்த்ரா எனும் நகரத்தில் பிவிஆர் குளோபல் மாலில் இந்த படம் திரையிடப்படவிருக்கிறது. இதனை இயக்குநர் அனுராக் காஷ்யப்பும் நேரில் கண்டுகளிக்கவிருக்கிறார். இதனை தனது ட்விட்டர் பக்கத்தில் பகிர்ந்த அவர், என் 'கேங்க்ஸ் ஆஃப் வாசிப்பூர்' படத்துக்கு  சுப்ரமணியபுரம் தான் இன்ஸ்பிரேஷன் என்று தெரிவித்துள்ளார்.

#Subramaniapuram received accolades in different forms. This is one of the best. Thank you Anurag ji for this honour! #Anuragkashyap #GangsOfWasseypur https://t.co/ogNee02p7J

— M.Sasikumar (@SasikumarDir) February 26, 2019