பாகுபலி இயக்குநரின் அடுத்த பிரம்மாண்டத்தில் இணைந்த பாலிவுட் நடிகை

ராம் சரண், ஜூனியர் என்.டி.ஆர் முன்னணி கதாபாத்திரத்தில் நடிக்கும் இப்படத்தின் நடிகர்கள் குறித்த அதிகாரப்பூர்வ அறிவிப்பு ஹைதராபாத்தில் நடைபெற்ற  RRR பத்திரிகையாளர் சந்திப்பில் வெளியிடப்பட்டுள்ளது. இந்த படத்தின் மூலம் தென்னிந்திய சினிமாவில் நடிகை ஆலியா பட் முதன் முறையாக அறிமுகமாகிறார்.

ஆலியா பட்டை தொடர்ந்து பாலிவுட் நடிகர் அஜய் தேவ்கன் இப்படத்தில் முக்கிய வேடம் ஒன்றில் நடிக்கிறார். மேலும், சமுத்திரக்கனி, ஹாலிவுட் நடிகை டைசி எட்கர் ஜோன் உள்ளிட்டோர் நடிக்கின்றனர். இதில் ராம் சரணுக்கு ஜோடியாக ஆலியா பட்-ம், ஜூனியர் என்.டி.ஆருக்கு ஜோடியாக ஹாலிவுட் நடிகை டைசியும் நடிக்கவுள்ளனர்.

சுதந்திர போராட்ட வீரர்களான அல்லுரி சீதாராமராஜு மற்றும் கோமரம் பீம் ஆகியோரின் வாழ்க்கை வரலாற்றை அடிப்படையாகக் கொண்டு, 1920-களில் நடக்கும் கற்பனை கதையாக உருவாகவிருப்பதாக தெரிவிக்கப்பட்டுள்ளது. இப்படத்திற்கு RRR என்று தலைப்பிடப்பட்டுள்ளது. ஒவ்வொரு மொழிகளில் இதன் விரிவாக்கம் மாறுபடும் என படக்குழு தெரிவித்துள்ளது.

தமிழ், தெலுங்கு, மலையாளம், ஹிந்தி உள்ளிட்ட பல்வேறு பிராந்திய மொழிகளில் பேன் இந்தியா படமாக உருவாகும் இப்படம் வரும் 2020ம் ஆண்டு ஜூலை 30ம் தேதி வெளியாகும் என்றும் அறிவிக்கப்பட்டுள்ளது.

Welcome aboard, @aliaa08! We are glad to have you play the female lead in our film. Happy Birthday in advance and hope you will have a wonderful journey with us..:) #RRRPressMeet #RRR @ssrajamouli @tarak9999 #RamCharan @dvvmovies @RRRMovie pic.twitter.com/iZmB8N9z9I

— RRR Movie (@RRRMovie) March 14, 2019