நாட்டையே 'நிலைகுலைய' வைத்துள்ள கொரோனா... 'சிக்கி' தவிக்கும் 'இந்தியர்களுக்கு' வெளியாகியுள்ள 'நிம்மதி' தரும் செய்தி...

அமெரிக்காவில் பணிபுரியும் வெளிநாட்டவருக்கு கொரோனா அச்சுறுத்தல் காரணமாக எச்-1பி விசா காலம் நீட்டிக்கப்பட்டுள்ளது.

அமெரிக்காவில் கொரோனா பாதிப்புகளும், உயிரிழப்புகளும் நாளுக்கு நாள் அதிகரித்துவரும் நிலையில் அங்குள்ள பல நிறுவனங்கள் பணியாளர்களுக்கு கட்டாய விடுப்பு அளித்து வருகின்றன. இதையடுத்து அமெரிக்காவில் எச்-1பி விசா வைத்திருப்பவர்கள் வேலை இழந்தால் அடுத்த 60 நாட்களுக்குள் புதிய வேலை தேடிக் கொள்ள வேண்டும், இல்லையென்றால் அவர்களது விசா காலாவதியாகி விடும் என்ற விதிமுறையால் தற்போது அமெரிக்காவில் பணிபுரியும் பெரும்பாலான இந்தியர்களின் நிலை கேள்வி குறியானது.

இந்நிலையில் எச்-1பி விசா காலாவதி காலம் நீட்டிக்கப்படுவதாக அமெரிக்கா அறிவித்துள்ளது. அதன்படி எச்-1பி விசாவுடன் அமெரிக்காவில் பணிபுரியும் வெளிநாட்டினர் வேலை இழந்தாலும் 8 மாதங்கள் வரை தங்கியிருக்க அமெரிக்கா அரசு அனுமதி வழங்கியுள்ளது. எச்-1பி விசாவில் பணிபுரிவதில் பெருபாலானவர்கள் இந்தியர்கள் என்பதால் இந்த விசா நீட்டிக்கப்பட்டுள்ள அறிவிப்பு அவர்களுக்கு பெரும்  நிம்மதி அளிப்பதாக அமைந்துள்ளது.