இனி இந்த குற்றத்திற்கு 7 இல்ல ‘10 வருஷம்’ தண்டனை.. முதல்வர் பழனிசாமி ‘அதிரடி’ அறிவிப்பு..!

வரதட்சணை கொடுமைக்கான தண்டனையை உயர்த்த முதலமைச்சர் எடப்பாடி பழனிசாமி பரிந்துரை செய்துள்ளார்.

தமிழக சட்டப்பேரவையில் விதி எண் 110-ன் கீழ் உரையாற்றிய முதலமைச்சர் எடப்பாடி பழனிசாமி, வரதட்சணை கொடுமைக்கான தண்டனையை 7 ஆண்டிலிருந்து 10 ஆண்டுகளாக உயர்த்த வேண்டும் என தமிழக அரசு பரிந்துரை செய்வதாக அறிவித்தார்.

பாலியல் தொழிலுக்காக பெண்களை விற்பது, வாங்குவது தொடர்பான குற்றத்திற்கு அதிகபட்ச ஆயுள் தண்டனை வழங்க மத்திய அரசுக்கு பரிந்துரை செய்யப்படும் என்றும் பெண்களை பின்தொடரும் குற்றத்திற்கு தண்டனை 5 ஆண்டில் இருந்து 7 ஆண்டுகளாக உயர்த்த வேண்டும் என்றும் முதலமைச்சர் எடப்பாடி பழனிசாமி பரிந்துரை செய்துள்ளார்.