ஈரோடு கிழக்கு தொகுதி காங்கிரஸ் கட்சியின் சட்டமன்ற உறுப்பினர் திருமகன் ஈவெரா மரணம் அடைந்துள்ளார்.
இவர், தமிழக காங்கிரஸ் கட்சியின் மூத்த தலைவர், முன்னாள் ஒன்றிய அமைச்சர் ஈ.வி.கே.எஸ் இளங்கோவனின் மகன் ஆவார்.
இவர் தமிழக காங்கிரஸ் கட்சியின் மாநிலப் பொதுச் செயலாளராக உள்ளார். மேலும் இவர் அகில இந்திய காங்கிரஸ் கமிட்டியின் உறுப்பினர் ஆவார். 1999-ல் சென்னை பல்கலைக்கழகத்தில் பொருளாதாரத்தில் பட்டம் பெற்றவர்.
கடந்த சட்டமன்ற தேர்தலில் காங்கிரஸ் கட்சி சார்பில் ஈரோடு கிழக்கு தொகுதியில் போட்டியிட்டு அதிமுக வேட்பாளர் யுவராஜாவை வென்றார்.
மாரடைப்பு காரணமாக ஈரோட்டில் உள்ள தனியார் மருத்துவமனையில் அனுமதிக்கப்பட்ட திருமகன் ஈவெரா இன்று உயிரிழந்தார். அவருக்கு வயது 46.
ஈரோடு கச்சேரி சாலையில் உள்ள அவரது (வீட்டு எண்- 161) இல்லத்தில் இறுதி அஞ்சலிக்காக உடல் கொண்டு செல்லப்பட்டது.
Also Read | "நடுவரிடம் கோபப்பட்டாரா தீபக் ஹூடா?".. முடிவால் கடுப்பான வீரர்.. பரபரப்பு சம்பவம்!!
மற்ற செய்திகள்
