'இடியுடன் கூடிய கனமழைக்கு வாய்ப்பு'... வானிலை மையம் தகவல்... விவரம் உள்ளே!

தமிழகம் மற்றும் புதுச்சேரியில் இடியுடன் கூடிய மழைக்கு வாய்ப்புள்ளதாக சென்னை வானிலை மையம் தெரிவித்துள்ளது.

குமரி கடல் பகுதியில் நிலவிவரும் வளிமண்டல மேலடுக்கு சுழற்சி மற்றும் வெப்பச்சலனம் காரணமாக தமிழகத்தில் ஓரிரு இடங்களில் லேசானது முதல் மிதமான மழைக்கு வாய்ப்பு இருப்பதாக வானிலை மையம் கூறியுள்ளது. அதிலும் குறிப்பாக ராமநாதபுரம், தூத்துக்குடி, நெல்லை, விருதுநகர், கன்னியாகுமரி, மதுரை ஆகிய ஒரு சில இடங்களில், இடியுடன் கூடிய மழைக்கு வாய்ப்பு உள்ளது.

மேலும் கடலோர மாவட்டங்களிலும் லேசான மழைக்கு வாய்ப்புள்ளது. சென்னையை பொருத்தவரை வானம் ஓரளவு மேகமூட்டத்துடன் காணப்படும் என்றும், நகரின் ஒரு சில இடங்களில் இடியுடன் கூடிய லேசான மழைக்கு வாய்ப்புள்ளதாகவும் கூறப்பட்டுள்ளது. சென்னயில் அதிகபட்ச வெப்பநிலையாக 32 டிகிரி செல்சியசும், குறைந்த பட்ச வெப்பநிலையாக 25 டிகிரி செல்சியசும் பதிவாக கூடும் என வானிலை ஆய்வு மையம் தெரிவித்துள்ளது.