“நந்தினியும் நானும்”... பொன்னியின் செல்வன் - 2 விழாவில் பார்த்திபனின் செல்ஃபி.. கேப்ஷன் தான்..!

பொன்னியின் செல்வன் - 2 படத்தின் டிரெய்லர் மற்றும் இசைவெளியீட்டு விழா நடைபெற்றது. இந்த நிகழ்ச்சியில் நடிகர் பார்த்திபன் எடுத்துக்கொண்ட செல்ஃபி தற்போது வைரலாகி வருகிறது.

                     Images are subject to © copyright to their respective owners.

அமரர் கல்கியின் புகழ் பெற்ற “பொன்னியின் செல்வன்” நாவலை அடிப்படையாகக் கொண்டு, இந்தியாவின் மிக முக்கிய டைரக்டர்களில் ஒருவரான மணிரத்னம் பொன்னியின் செல்வன் திரைப்படத்தை இரண்டு பாகங்களாக இயக்கி உள்ளார். இதனை லைகா நிறுவனம் பெரும் பொருட் செலவில் தயாரித்திருக்கிறது. பொன்னியின் செல்வன் படத்தின் முதல் பாகமான “பொன்னியின் செல்வன் -1”  கடந்த 2022 செப்டம்பர் 30 ஆம் தேதி திரையரங்குகளில் வெளியானது. படத்திற்கு ரசிகர்கள் மத்தியில் பெரும் வரவேற்பு நிலவியது.  இந்த படம் உலகம் முழுவதும் 500+ கோடி ரூபாயை வசூலித்து சாதனை படைத்தது.

Images are subject to © copyright to their respective owners.

பொன்னியின் செல்வன் படத்தின் இரண்டாம் பாகம்  PS-2 திரைப்படம் 2023 ஆம் ஆண்டு ஏப்ரல் மாதம் 28 ஆம் தேதி திரையரங்குகளில் வெளியாகும் என  அதிகாரப்பூர்வமாக அறிவிக்கப்பட்டுள்ளது. இந்த படத்தில் நடிகர்கள் சியான் விக்ரம், ஜெயம் ரவி, கார்த்தி, ஐஸ்வர்யா ராய், ஐஸ்வர்யா லெக்ஷ்மி, த்ரிஷா, பிரபு, சரத்குமார், விக்ரம் பிரபு, கிஷோர், ஜெயராம், லால், ரஹ்மான், அஸ்வின், ஷோபிதா துலிபாலா ஆகியோர் நடித்துள்ளனர்.

இந்த பொன்னியின் செல்வன் படத்தின் எடிட்டிங்கை ஸ்ரீகர் பிரசாத் கவனித்துள்ளார், கலை இயக்குனராக தோட்டா தரணி பணிபுரிந்துள்ளார். ரவி வர்மன் ISC இப்படத்திற்கான ஒளிப்பதிவை செய்துள்ளார். இசைப்புயல் ஏ.ஆர்.ரஹ்மான் இசையமைத்துள்ளார்.

இந்நிலையில், நேரு உள்விளையாட்டரங்கத்தில் நேற்று நடைபெற்ற இசை & டிரெய்லர் வெளியீட்டு விழாவில் படக்குழுவினர் மற்றும் கமல்ஹாசன், ரேவதி உள்ளிட்ட திரையுலக பிரபலங்கள் பங்கேற்றனர். இதனிடையே நடிகர் பார்த்திபன் தனது ட்விட்டர் பக்கத்தில் தன்னுடைய செல்ஃபியை பகிர்ந்திருக்கிறார். அதில் பார்த்திபன், ஐஸ்வர்யா ராய் மற்றும் மணிரத்னம் ஆகியோர் இடம்பெற்றிருக்கின்றனர். அதன் கேப்ஷனில்,"நந்தினியும் நானும் நடுவில் அவரும்!" என குறிப்பிட்டுள்ளார். இந்த புகைப்படம் தற்போது ரசிகர்களுக்கு மத்தியில் வைரலாகி வருகிறது.