VIDEO: 'கணவரை நேர்காணல் செய்த மனைவி'!.. மாறி மாறி வெட்கப்பட்ட காதல் ஜோடி!.. பும்ராவுக்கு செம்ம சர்ப்ரைஸ் கொடுத்த சஞ்சனா!

நியூசிலாந்துக்கு எதிரான போட்டிக்காக ஜஸ்பிரித் பும்ரா தீவிரமாக தயாராகி வரும் நிலையில் அவரது மனைவி ஷாக்கிங் சர்ப்ரைஸ் கொடுத்துள்ளார்.

இந்தியா - நியூசிலாந்து அணிகள் மோதும் உலக டெஸ்ட் சாம்பியன்ஷிப் இறுதிப்போட்டி நாளை இங்கிலாந்தின் சவுத்தாம்ப்டனில் நடைபெறவுள்ளது. இந்த போட்டி குறித்த எதிர்பார்ப்பு ரசிகர்களிடையே அதிகரித்துள்ள நிலையில் அதற்கான ப்ரோமஷன் வேலைகளும் தீவிரமாக நடைபெற்று வருகின்றன.

உலக டெஸ்ட் சாம்பியன்ஷிப் இறுதிப்போட்டி மிகப்பெரும் எதிர்பார்ப்பை ஏற்படுத்தியுள்ளதால், ஸ்பான்சர்களும் அதற்கு ஏகபோக அளவில் குவிந்துள்ளனர். அதற்காக ஸ்டார் ஸ்போர்ட்ஸ் நிறுவனம் ஒவ்வொரு வீரர்களையும் வைத்து நேர்காணல்கள், நிகழ்ச்சிகள் போன்ற விளம்பர பணிகளில் ஈடுபட்டு வருகிறது. அந்த வகையில், இந்திய வேகப்பந்துவீச்சாளர் பும்ராவுக்கு நடந்த நேர்காணல், சற்று வித்தியாசமாக அவருடைய மனைவி சஞ்சனா கணேசனுடன் நடைபெற்றுள்ளது. 

பும்ரா - சஞ்சனா ஆகியோருக்கு கடந்த மே மாதம், கோவாவில் திருமணம் நடைபெற்றது. சஞ்சனா கணேசன், ஸ்டார் ஸ்போர்ட்ஸ் நிறுவனத்தில் தொகுப்பாளராக பணியாற்றி வருகிறார். அந்த வகையில், உலக டெஸ்ட் சாம்பியன்ஷிப் இறுதிப்போட்டிக்காக பும்ரா நேர்காணலுக்கு வந்துள்ளார். அப்போது தொகுப்பாளராக தனது மனைவி நின்று இருப்பதை பார்த்த அவர் ஆச்சரியமடைந்தார். அவர், இதற்கு முன்னர் உன்னை எங்கோ பார்த்திருக்கிறேனே என கிண்டலாக தெரிவித்தார். 

பும்ராவிடம் அவரின் இன்ஸ்டா புகைப்படங்கள் மற்றும் வீடியோக்கள் குறித்து கேள்விகளை சஞ்சனா கணேசன் கேட்டார். அதில் சுவாரஸ்யம் என்னவெனில் பும்ரா - சஞ்சனாவின் திருமண புகைப்படங்களும் இருந்தது. அது குறித்த கேள்விகளுக்கு பதிலளித்த பும்ரா, வெட்கப்பட்டு கொண்டே, முதலில் இந்த பெண்ணை இதற்கு முன்னர் எங்கோ பார்த்திருக்கிறேனே, யார் இதில் உள்ளது எனக் கிண்டல் அடித்தார். பின்னர், எனது வாழ்வில் மறக்க முடியாத நாள் இது. இதுகுறித்த நினைவுகள் உனக்கும் இருக்கும் என நினைக்கிறேன் எனக்கூறினார். இருவரின் நேர்காணல் வீடியோவை ஐசிசி தனது ட்விட்டர் பக்கத்தில் வெளியிட்டுள்ளது. 

நியூசிலாந்துக்கு எதிரான போட்டியில் ஜஸ்பிரித் பும்ராவின் பங்கு மிக முக்கியமானதாக பார்க்கப்படுகிறது. ஏனெனில், இங்கிலாந்து பிட்ச்சானது வேகப்பந்துவீச்சாளர்களுக்கு நன்கு பயனளிக்கக் கூடிய ஒன்று. ஆதலால், ட்ரெண்ட் போல்ட்- பும்ரா ஆகியோருக்கு இடையே கடும் போட்டி நடக்கும் என எதிர்பார்க்கப்படுகிறது.

Playing with his sister, starring in school cricket and ‘the best day’ of his life.@SanjanaGanesan takes @Jaspritbumrah93 through some Insta Memories before the #WTC21 Final 🎥 pic.twitter.com/k8FKUxgQJI

— ICC (@ICC) June 17, 2021