RCB ஸ்டார் ப்ளேயர் வீட்டில் நடந்த துக்க சம்பவம்.. MI-க்கு எதிரான மேட்ச் முடிஞ்சதும் வந்த சோக செய்தி.. அவசர அவசரமாக வீட்டுக்கு போகும் வீரர்..!

ராயல் சேலஞ்சர்ஸ் பெங்களூரு அணியின் வேகப்பந்துவீச்சாளர் ஹர்ஷல் படேலில் சகோதரி உயிரிழந்துள்ளதாக தகவல் வெளியாகியுள்ளது.

ஐபிஎல் தொடரின் நேற்றைய லீக் போட்டியில் ராயல் சேலஞ்சர்ஸ் பெங்களூரு அணி, மும்பை இந்தியன்ஸை எதிர்கொண்டது. இப்போட்டியில் பெங்களூரு அணி 7 விக்கெட்டுகள் வித்தியாசத்தில் மும்பையை வீழ்த்த்தி வெற்றி பெற்றது. இதில் சிறப்பாகப் பந்துவீசிய பெங்களூரு அணியின் வேகப்பந்து வீச்சாளர் ஹர்ஷல் படேல் 2 விக்கெட்டுகளை வீழ்த்தினார்.

இந்த நிலையில், இப்போட்டி முடிவடைந்த பின்னர் ஹர்சல் படேலின் சகோதரி உயிரிழந்த தகவல் தெரியவந்தது. இதனை அடுத்து, ஐபிஎல் பாதுகாப்பு வளையத்திலிருந்து அவர் வெளியேறியுள்ளார். சென்னை சூப்பர் கிங்ஸ் அணிக்கு எதிராக வரும் ஏப்ரல் 12-ம் தேதி நடைபெறவுள்ள போட்டிக்கு முன்பு அவர் மீண்டும் அணியில் இணைவார் என சொல்லப்படுகிறது.

நடப்பு ஐபிஎல் சீசனில் ஹர்ஷல் படேல் 4 போட்டிகளில் விளையாடி 6 விக்கெட்டுகளை வீழ்த்தியுள்ளார். பந்துவீச்சு சராசரி 14.66. எகானமி 5.50. அதேபோல் புள்ளிப்பட்டியலில் ராயல் சேலஞ்சர்ஸ், விளையாடிய 4 போட்டிகளில் 3 வெற்றியுடன் 3-வது இடத்தில் இருந்து வருவது குறிப்பிடத்தக்கது.