‘தல’ தோனியே கேப்டனா இருந்தா கூட அந்த டீமால சாம்பியன் ஆக முடியாது.. என்ன இப்படி சொல்லிட்டாரு.. சர்ச்சையை கிளப்பிய முன்னாள் பாகிஸ்தான் வீரர்..!
முகப்பு > செய்திகள் > விளையாட்டுதோனியே கேப்டனாக செயல்பட்டாலும் வங்கதேச அணியால் சாம்பியன் பட்டம் வெல்ல முடியாது என பாகிஸ்தான் வீரர் கூறியது சர்ச்சையை ஏற்படுத்தியுள்ளது.
பாகிஸ்தான் சூப்பர் லீக்
பாகிஸ்தான் நாட்டில் இப்போது பாகிஸ்தான் சூப்பர் லீக் (PSL) டி20 தொடர் நடைபெற்று வருகிறது. இந்தியாவில் நடத்தப்படும் ஐபிஎல் போன்ற கிரிக்கெட் தொடர். இதில் கராச்சி கிங்ஸ் என்ற அணியை பாகிஸ்தான் அணியின் கேப்டன் பாபர் அசாம் வழிநடத்தி வருகிறார். இந்த அணி கடந்த 2020 பாகிஸ்தான் சூப்பர் லீக் சீசனில் சாம்பியன் பட்டம் வென்றிருந்தது.
கராச்சி கிங்ஸ்
ஆனால் நடப்பு பாகிஸ்தான் சூப்பர் லீக் சீசனில் கராச்சி கிங்ஸ் அணி தொடர்ச்சியாக 8 போட்டிகளில் தோல்வியை தழுவியுள்ளது. அதனால் பாபர் அசாமை பலரும் கடுமையாக விமர்சனம் செய்து வருகின்றனர். இந்த நிலையில் பாபர் அசாமுக்கு ஆதரவாக பாகிஸ்தான் அணியின் முன்னாள் வீரர் சல்மான் பட் குரல் கொடுத்துள்ளார்.
சல்மான் பட்
இதுகுறித்து பேசிய அவர், ‘வங்கதேச அணிக்கு கேப்டனாக தோனியோ அல்லது ரிக்கி பாண்டிங்கோ நியமிக்கப்பட்டால் கூட அந்த அணியால் சாம்பியன் பட்டம் வெல்ல முடியாது. அது போலதான் இதுவும். பாபர் அசாம் பாகிஸ்தான் அணியின் கேப்டனாக உள்ளார். ஆனாலும் அவருக்கு இந்த சீசனில் சரியான அணி அமையவில்லை. லீக் கிரிக்கெட்டில் நாம் சொல்வதற்கு ஒன்றும் இல்லை. என்னதான் பலமான திட்டமிடல் இருந்தாலும் சிறந்த ஸ்பெஷலிஸ்ட் அணியில் இல்லை.
பாபர் அசாம்
வேகப்பந்து வீச்சாளர்கள், சுழற்பந்து வீச்சாளர்கள் மற்றும் டி20 ஸ்பெஷலிஸ்ட் பேட்ஸ்மேனும் இல்லை. அணியில் இடம் பெற்றுள்ள 11 பேரில் 7-8 பேர் ஆல்ரவுண்டர்கள். அதிலும் இவர்கள் அனைவரும் 6-வது ஆர்டரில் பேட்டிங் செய்து பழகியவர்கள். இவர்கள் திடீரென 4, 5, 6 மற்றும் 7 இடங்களில் வந்து விளையாடுவதுதான் சிக்கலாகி உள்ளது’ என சல்மான் பட் தெரிவித்துள்ளார். பாபர் அசாமுக்கு ஆதரவாக பேசுவதற்காக வங்கதேச அணியை குறைத்து கூறியதற்காக சல்மான் பட்டை வங்கதேச ரசிகர்கள் கடுமையாக சாடி வருகின்றனர்.
மற்ற செய்திகள்
