இந்தியா - பாகிஸ்தான்.. 16 நாளில் மூன்று முறை மோதலா? கிரிக்கெட் ரசிகர்களுக்கு இதுக்கு மேல வேற என்ன வேணும்!

இந்த ஆண்டு ஆசியக் கோப்பையின் நடத்துனர்களான இலங்கை,  மிக மோசமான பொருளாதார நெருக்கடியின் காரணமாக போட்டியை நடத்த முடியாத நிலைக்கு தள்ளப்பட்டது, எனவே போட்டி ஐக்கிய அரபு எமிரேட்ஸுக்கு மாற்றப்பட்டது.

Also Read | ஆசிய கோப்பை கிரிக்கெட் தொடர் அட்டவணை வெளியீடு.. இந்திய அணிக்கு காத்திருக்கும் சவால்! மேட்ச் எங்கே? எப்போ?

ஆசியா கோப்பை 2022 அட்டவணை இன்று வெளியிடப்பட்டது.  இந்த தொடரில் சில நிகழ்தகவில் 16 நாட்களுக்குள் 3 முறை இந்தியா vs பாகிஸ்தான் போட்டிகளைக் காண  ரசிகர்களுக்கு வாய்ப்புள்ளது.

இரண்டு பரம எதிரிகளும் குரூப் A இல் உள்ளனர். ஆகஸ்ட் 28, ஞாயிற்றுக்கிழமை, துபாயில் இந்திய அணியை பாகிஸ்தான் எதிர்கொள்ள உள்ளது. ரோஹித் ஷர்மாவின் தலைமையில் இந்திய அணியை வீழ்த்த  பாகிஸ்தான் முயற்சிக்கும்.

ஹாங்காங், குவைத், சிங்கப்பூர் மற்றும் ஐக்கிய அரபு எமிரேட்ஸ் ஆகிய நாடுகள் ஆகஸ்ட் 20 முதல் 26 வரை நடைபெறும் தகுதிச் சுற்றில் ஆடிய பின்னர் இந்தியா மற்றும் பாகிஸ்தான் அணிகளுடன் ஏ பிரிவில் பங்கேற்கின்றன.

அடுத்த, B பிரிவில் இலங்கை, ஆப்கானிஸ்தான் மற்றும் வங்கதேசம் உள்ளன.

ஆகஸ்ட் 27 அன்று தொடரின் தொடக்க ஆட்டத்தில் ஆப்கானிஸ்தானை இலங்கை எதிர்கொள்கிறது.

ஆசிய கோப்பை 2022-ன் படி, ஒவ்வொரு குழுவிலிருந்தும் முதல் இரண்டு இடங்களை பிடிக்கும் அணிகள் சூப்பர் 4 சுற்றுக்கு தகுதி பெறும். எனவே, ஏ பிரிவில் இந்தியாவும் பாகிஸ்தானும் முதல் இரண்டு இடங்களைப் பிடித்தால், செப்டம்பர் 4 ஆம் தேதி துபாயில் நடைபெறும் சூப்பர் 4 சுற்றில் நேருக்கு நேர் மோதும்.

பின்னர், அனைத்து  சரியாக அமைந்து, இந்தியா மற்றும் பாகிஸ்தான் ஆகிய இரு அணிகளும் சூப்பர் 4 கட்டத்தின் முதல் இரண்டு இடங்களுக்குள் நுழைந்தால், அவர்கள் மீண்டும் இறுதிப் போட்டியில் சந்திக்கும் வாய்ப்பு உண்டாகும்.

இதுபோன்ற ஒரு சம்பவம் நடந்தால் 16 நாட்களில் இந்திய அணி பாகிஸ்தான் அணியை 3 முறை எதிர்கொள்ளும்.

இந்த ஆண்டு நான்கு இந்தியா-பாகிஸ்தான் ஆட்டங்களை ரசிகர்கள் காண முடியும்,  ICC T20I உலகக் கோப்பையிலும் இந்திய அணியை பாகிஸ்தான் அணியினர் எதிர்கொள்ள உள்ளனர்.

Also Read | BGM8: கோலியா? தோனியா? MI-ஆ? CSK-ஆ? - பதில்களால் பறக்கவிட்ட VVS லக்‌ஷ்மன்.. வீடியோ.!