‘ஒரு குட் நியூஸ்’.. பண்டிகை காலத்தை முன்னிட்டு ‘முக்கிய’ அறிவிப்பை வெளியிட்ட ரயில்வே நிர்வாகம்..!

பண்டிகை காலத்தை முன்னிட்டு டிக்கெட் வழங்கப்படும் முறையில் பழைய வழக்கத்தை கொண்டுவரும் முயற்சியை ரயில்வே நிர்வாகம் மேற்கொண்டுள்ளது.

கொரோனா கட்டுப்பாடுகளின் ஒரு பகுதியாக ரயில் நிலையத்தில் இருந்து வண்டி புறப்படுவதற்கு 2 மணிநேரத்திற்கு முன்பு முன்பதிவு 2-வது சார்ட் தயாரிக்கப்பட்டு வந்தது. இந்த நிலையில் பண்டிகை காலத்தை முன்னிட்டு பழைய முறையை கொண்டுவரும் முயற்சியில் ரயில்வே நிர்வாகம் இறங்கியுள்ளது.

அதன்படி இனி ரயில் புறப்படுவதற்கு அரை மணிநேரத்துக்கு முன்பு தொடங்கி 5 நிமிடங்கள் முன்பு வரை 2-வது சார்ட் தயாரிக்கப்படும் என ரயில்வே நிர்வாகம் தெரிவித்துள்ளது. இந்த இடைப்பட்ட நேரத்தில் காலியாக உள்ள இருக்கைகளின் டிக்கெட்டை ஆன்லைன் அல்லது கவுண்டர்களின் பயணிகள் பெறமுடியும் என தெரிவிக்கப்பட்டுள்ளது.