‘ஒரே ஒரு போட்டோ தான்’!.. வியந்துபோன நெட்டிசன்கள் கேட்கும் ஒரு கேள்வி.. ‘செம’ வைரலாகும் ராகுல்காந்தி போட்டோ..!

காங்கிரஸ் எம்.பி ராகுல்காந்தியின் ஒரு போட்டோ சமூக வலைதளங்களில் வைரலாகி வருகிறது.

காங்கிரஸ் கட்சியின் முன்னாள் தலைவரும், வயநாடு தொகுதி எம்.பி.யுமான ராகுல்காந்தி கடந்த சில தினங்களுக்கு முன் கேரளாவின் கொல்லம் மாவட்டத்தில், மீனவர்களுடன் கலந்துரையாடினார். பின்னர் அவர்களுடன் படகில் கடலுக்குள் சென்றார். அப்போது திடீரென படகில் இருந்து கடலில் குதித்த ராகுல்காந்தி, சுமார் 10 நிமிடங்கள் கடலுக்குள் நீந்தி பின்பு படகில் ஏறினார்.

ராகுல்காந்தியின் கடல் பயணம் தொடர்பான வீடியோக்கள், புகைப்படங்கள் ஊடகங்களில் வெளியானது. அந்த புகைப்படங்களில் ஒன்று தற்போது சமூக வலைதளங்களில் வைரலாகி வருகிறது. அந்த புகைப்படத்தில் ராகுல் காந்தியின் ஈரமான டி-ஷர்ட்டில் வயிற்று தசைகள் (6 பேக்ஸ்) தெளிவாக தெரிகிறது.

Abs of a boxer 👊🏽

Most daring young fit & people’s leader Way to go @RahulGandhi ji pic.twitter.com/E5QVSpTnBZ

— Vijender Singh (@boxervijender) February 26, 2021

Requesting Shri @RahulGandhi to share some tips with everyone on getting those abs. #FitnessGoals #Fitness pic.twitter.com/U3BILlewiR

— Gaurav Pandhi (@GauravPandhi) February 26, 2021

இந்த போட்டோவை அதிகமாக பகிர்ந்து வரும் நெட்டின்சன்கள், உடல்பயிற்சி தொடர்பாக டிப்ஸ் தரும்படி ராகுல்காந்தியிடம் கோரிக்கை விடுத்து வருகின்றனர். இந்திய குத்துச்சண்டை வீரர் விஜேந்தர் சிங், ராகுல் காந்தியின் புகைப்படத்தை தனது டுவிட்டர் பக்கத்தில் பதிவிட்டு, ஒரு குத்துச் சண்டை வீரரின் ஆப்ஸ் (வயிற்று தசைகள்) என்று பதிவிட்டுள்ளார்.